ಪ್ರವಾಸದಿಂದ ವಿದ್ಯಾರ್ಥಿಗಳ ಜ್ಞಾನವೃದ್ಧಿ

ಮುದ್ದೇಬಿಹಾಳ : ಅಭ್ಯುದಯ ವಿಜ್ಞಾನ ಮತ್ತು ವಾಣಿಜ್ಯ ಪದವಿ ಪೂರ್ವ ಕಾಲೇಜಿನ 175 ವಿದ್ಯಾರ್ಥಿಗಳು 5 ದಿನಗಳ ಕಾಲ ನಾಲ್ಕು ಜ್ಯೋರ್ತಿಲಿಂಗ, ಹಾಲುಮತ ಸಮಾಜದ ಪ್ರಥಮ ಮಹಾರಾಣಿ ಮಧ್ಯಪ್ರದೇಶದ ಇಂದೋರ್​ನ ಅಹಲ್ಯಾಬಾಯಿ ಹೋಳ್ಕರ್​ ಸೇರಿ ಹಲವು ಪುರಾಣ ಪ್ರಸಿದ್ಧ ಮತ್ತು ಐತಿಹಾಸಿಕ ಸ್ಥಳಗಳಿಗೆ ಭೇಟಿ ನೀಡಿ ಸುರತವಾಗಿ ಮರಳಿ ಬಂದಿದ್ದಾರೆ ಎಂದು ಅಹಲ್ಯಾಬಾಯಿ ಹೋಳ್ಕರ್​ ಶಿಣ ಸಂಸ್ಥೆ ಸಂಸ್ಥಾಪಕ ಅಧ್ಯ ಎಂ.ಎನ್​.ಮದರಿ ಹರ್ಷ ವ್ಯಕ್ತಪಡಿಸಿದರು.

ಮಂಗಳವಾರ ಕಾಲೇಜಿನ ಆವರಣದಲ್ಲಿ ವಿದ್ಯಾರ್ಥಿ, ಶಿಕರನ್ನು ಪ್ರವಾಸಕ್ಕೆ ಕರೆದೊಯ್ದಿದ್ದ ಇಲ್ಲಿನ ಸಾರಿಗೆ ಟಕದ ಬಸ್​ಗಳ ಚಾಲಕರನ್ನು ಸನ್ಮಾನಿಸಿ ಮಾತನಾಡಿದ ಅವರು, ಪ್ರವಾಸದಿಂದ ವಿದ್ಯಾರ್ಥಿಗಳ ಜ್ಞಾನವೃದ್ಧಿಯಾಗುತ್ತದೆ. ಉಜ್ಜಯಿನಿಯ ಮಹಾಕಾಲೇಶ್ವರ, ನರ್ಮದಾ ನದಿ ದಂಡೆಯ ಮೇಲಿನ ಖಾಂಡ್ವಾದಲ್ಲಿರುವ ಓಂಕಾರೇಶ್ವರ, ನಾಶಿಕ್​ನ ತ್ರೆಂಬಕೇಶ್ವರ, ಔರಂಗಾಬಾದ್​ನ ಗ್ರಿಷ್ಣೇಶ್ವರ ಜ್ಯೋರ್ತಿಲಿಂಗ ದರ್ಶನ ಪಡೆದು ವಿದ್ಯಾರ್ಥಿಗಳು ಸಂಭ್ರಮಿಸಿದ್ದಾರೆ ಎಂದರು.

ಇದಲ್ಲದೆ ಶಿರಡಿ, ಅಜಂತಾ&ಎಲ್ಲೋರಾ, ಹಾಲುಮತ ಸಮಾಜದ ಪ್ರಥಮ ಮಹಾರಾಣಿ ಇಂದೋರನ ಅಹಲ್ಯಾಬಾಯಿ ಹೋಳ್ಕರ್​, ವಿಶ್ವದ ಅತಿ ಎತ್ತರದ ಪ್ರತಿಮೆ ಎನ್ನುವ ಹೆಗ್ಗಳಿಕೆ ಹೊಂದಿರುವ ಗುಜರಾತ್​ನ ಕೆವಾಡಾದ ನರ್ಮದಾ ನದಿಯಲ್ಲಿರುವ ಸರ್ದಾರ ವಲ್ಲಭಭಾಯಿ ಪಟೇಲರ ಮೂರ್ತಿ ಸಂದರ್ಶಿಸಿ ಇತಿಹಾಸದ ಅರಿವು ಮೂಡಿಸಿಕೊಂಡರು ಎಂದರು.

ಸಾರಿಗೆ ಸಂಸ್ಥೆ ಚಾಲಕರಾದ ಕೊಟ್ರೇಶ ಹರನಾಳ, ಚಂದಪ್ಪ ವಳಕಲದಿನ್ನಿ, ಶಿವಣ್ಣ ಅಂಬಣ್ಣನವರ್​, ಬಸವರಾಜ ಮದರಿ, ಸಂಗಯ್ಯ ಕಟ್ಟಿ, ಸಂಗಯ್ಯಮುತ್ಯಾ ಹಿರೇಮಠ, ಬೆಳ್ಳೆಪ್ಪ ಜಿಂಗಾನಿ, ಯಮನೂರಿ ಮೇಟಿ, ಜುಮ್ಮಣ್ಣ ಹಾದಿಮನಿ ಅವರನ್ನು ಎಂ.ಎನ್​.ಮದರಿ ಸನ್ಮಾನಿಸಿದರು.