ಸಂಘಗಳ ಮೇಲ್ವಿಚಾರಣೆ, ನಿರ್ವಹಣೆ, ಹಾಲಿನ ಗುಣಮಟ್ಟ ಮತ್ತು ಇತರೆ ವಿಷಯಗಳ ಕುರಿತು ಹಾಸನ ಹಾಲು ಒಕ್ಕೂಟದ ಶೇಖರಣೆ ವಿಭಾಗ ಪ್ರಧಾನ ವ್ಯವಸ್ಥಾಪಕ ಕೆ.ರೂಪೇಶ್ ಕುಮಾರ್ ಉಪನ್ಯಾಸ ನೀಡಿದರೆ, ಆಧುನಿಕ ಪಶುಪಾಲನೆ, ಪಶುಗಳ ಆರೋಗ್ಯ, ಮೇವಿನ ನೀಡುವಿಕೆ, ಕರುಗಳ ಪಾಲನೆ ಪೋಷಣೆ ವಿಷಯಗಳ ಕುರಿತು ಹಾಸನ ಹಾಲು ಒಕ್ಕೂಟದ ಪಶು ಆರೋಗ್ಯ ವಿಭಾಗದ ವ್ಯವಸ್ಥಾಪಕ ಡಾ॥ ಬಿ.ಎಲ್.ಪ್ರಸನ್ನ ಉಪನ್ಯಾಸ ನೀಡಿದರು. ಲೆಕ್ಕಪತ್ರ ನಿರ್ವಹಣೆ, ಲೆಕ್ಕಪರಿಶೋಧನೆ, ನಿಧಿಗಳ ಹಂಚಿಕೆ ಕುರಿತು ಸಹಕಾರ ಸಂಘಗಳ ನಿವೃತ್ತ ಹಿರಿಯ ಲೆಕ್ಕಪರಿಶೋಧಕ ಡಿ.ಎನ್.ಚಂದ್ರಶೇಖರ್ ಉಪನ್ಯಾಸ ನೀಡಿದರೆ, ಹಾಲು ಉತ್ಪಾದನೆಯಲ್ಲಿ ಸಂಘಗಳ ಪಾತ್ರ ಹಾಗೂ ಶೇಖರಣೆಯಲ್ಲಿರುವ ನ್ಯೂನತೆಗಳ ಕುರಿತು ಹಾಸನ ಹಾಲು ಒಕ್ಕೂಟದ ವಿಸ್ತರಣಾಧಿಕಾರಿ ಬಿ.ವಿ.ವೀಣಾರವರು ಉಪನ್ಯಾಸ ನೀಡಿದರು.
