ಕಣ್ಣಲ್ಲಿ ಕಣ್ಣಿಟ್ಟು ಸಾಕಿದ ಮಗುವನ್ನು ನೀಚ ಅತ್ಯಾಚಾರ ಮಾಡಿ ಕೊಲೆ ಮಾಡಿದ ಘಟನೆ ಹುಬ್ಬಳ್ಳಿಯಾದ್ಯಂತ ಪಸರಿಸಿ ಹಂತಕನಿಗೆ ಸೂಕ್ತ ಶಿಕ್ಷೆಯಾಗಬೇಕೆಂದು ಎಲ್ಲೆಡೆ ಪ್ರತಿಭಟನೆ ಕಾವು ಏರ ತೋಡಗಿತ್ತು. ಹುಬ್ಬಳ್ಳಿ-ಧಾರವಾಡ ಕಮಿಷನರ್ ಶಶಿಕುಮಾರ ಎಷ್ಟೇ ಮನವೊಲಿಸಲು ಪ್ರಯತ್ನಿಸಿದರೂ ಪ್ರತಿಭಟನೆಗಳು ತಣ್ಣಗಾಗಲಿಲ್ಲ. ಇದರ ಮಧ್ಯೆ ಅಶೋಕನಗರದ ಪೊಲೀಸರು ತನಿಖೆ ತೀವ್ರಗೊಳಿಸಿ ಆರೋಪಿಯನ್ನು ಬಂಧಿಸಿ ಸ್ಥಳ ಮಹಜರಿಗೆ ಕರೆದುಕೊಂಡು ಹೋದರು. ಈ ವೇಳೆ ಪೊಲೀಸರ ಮೇಲೆಯೇ ದಾಳಿ ಮಾಡಲು ಯತ್ನಿಸಿದಾಗ ಅಶೋಕ ನಗರ ಪಿಎಸ್ಐ ಅನ್ನಪೂರ್ಣ ಅವರು ರಿವಾಲ್ವಾರ್ ತೆಗೆದು ಗುಂಡು ಹಾರಿಸಿದರು. ಆ ಗುಂಡು ಪಾಪಿಯ ಎದೆಗೆ ಹೊಕ್ಕು ನರಳುವಂತೆ ಮಾಡಿತು. ಈ ವೇಳೆ ಹಂತಕನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗುವಾಗ ಆತ ನರಕ ಸೇರಿಕೊಂಡ. ಈ ಸುದ್ದಿ ರಾಜ್ಯ ವ್ಯಾಪ್ತಿ ಹರಡುತ್ತಿದ್ದಂತೆ ಎನ್ಕೌಂಟರ್ ಮಾಡಿದ್ದ ಅನ್ನಪೂರ್ಣ ಧೈರ್ಯ, ಸಾಹಸ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗಿದೆ.
