ಅವಕಾಶವಿದ್ದರೂ ಆರಂಭಕ್ಕೆ ಮೀನಮೇಷ: ಶೀಗಿಹಳ್ಳಿ ಸಿಂಗಾಪುರ ಗ್ರಾಮದಲ್ಲಿ ನೀರು ಕಾಲುವೆ, ಹೊಂಡ ಮತ್ತು ಕೆರೆ, ಕೊಡಿಯಲ್ಲಾಪುರ ಗ್ರಾಮದಲ್ಲಿ ಒಂದು ಕೆರೆ, ಶಂಕ್ರಿಕೊಪ್ಪ ಗ್ರಾಮದಲ್ಲಿ ಹಿರೇಕೆರೆ, ಗಡ್ಲಗಟ್ಟಿಕೆರೆಗಳು ಹೂಳು ತುಂಬಿಕೊಂಡಿವೆ. ಗ್ರಾಪಂ ವ್ಯಾಪ್ತಿಯ ಕೆರೆ, ಹೊಂಡಗಳಲ್ಲಿನ ಹೂಳನ್ನು 10 ವರ್ಷಗಳಾದರೂ ತೆಗೆದಿಲ್ಲ. ಇವುಗಳನ್ನು ಹೂಳೆತ್ತಲು ಉದ್ಯೋಗ ಖಾತ್ರಿ ಯೋಜನೆಯಡಿ ಅವಕಾಶವಿದೆ. ಇದರಿಂದಾಗಿ ಕೂಲಿ ಕಾರ್ವಿುಕರಿಗೆ ಉದ್ಯೋಗ ಒದಗಿಸಿದಂತಾಗುತ್ತದೆ. ಅಲ್ಲದೆ, ಹಾನಗಲ್ಲ ತಾಲೂಕಿನ ಬಹುತೇಕ ಗ್ರಾಮ ಪಂಚಾಯಿತಿಗಳಲ್ಲಿ ಏಪ್ರಿಲ್ನಿಂದ ಮೇ ಮಾಸಾಂತ್ಯದವರೆಗೂ ನರೇಗಾ ಯೋಜನೆಯಡಿ ವಿವಿಧ ಕಾಮಗಾರಿ ಮಾಡಲಾಗುತ್ತಿದೆ. ಆದರೆ, ಶೀಗಿಹಳ್ಳಿ ಸಿಂಗಾಪುರದಲ್ಲಿ ಮಾತ್ರ ಈ ಯೋಜನೆ ಸಾಕಾರಕ್ಕೆ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಕಾರ್ಯಪ್ರವೃತ್ತರಾಗಿಲ್ಲ ಎಂದು ಕೂಲಿ ಕಾರ್ವಿುಕರು ಆರೋಪಿಸುತ್ತಾರೆ.
