ದಾರಿ ಬಿಡದೇ ಭಕ್ತರನ್ನು ಅಡ್ಡಹಾಕಿ ರಸ್ತೆಯಲ್ಲೇ ನಿಂತ ಒಂಟಿ ಸಲಗ!

ಚಾಮರಾಜನಗರ: ಮಲೆ ಮಹದೇಶ್ವರ ಬೆಟ್ಟಕ್ಕೆ ತೆರಳುವ ರಸ್ತೆಯಲ್ಲಿ ಕೆಲಕಾಲ ಆತಂಕ ಸೃಷ್ಟಿಯಾಗಿತ್ತು. ರಸ್ತೆಯಲ್ಲೇ ನಿಂತ ಗಜರಾಜ ಇತ್ತ ಹೋಗಲೂ ಬಿಡದೇ, ತಾನೂ ತೆರಳದೇ ಪ್ರಯಾಣಿಕರನ್ನು ಗಾಬರಿಗೊಳಿಸಿದೆ.

ಮಲೆ ಮಹದೇಶ್ವರ ಬೆಟ್ಟಕ್ಕೆ ತೆರಳುವ ಹನೂರು ತಾಲೂಕಿನ ಕೊಣನಕೆರೆ ಕ್ರಾಸ್​ ಬಳಿ ಕಾಡಾನೆ ಪ್ರತ್ಯಕ್ಷವಾಗಿದ್ದು, ದೇವಾಲಯಕ್ಕೆ ಹೊರಟಿದ್ದ ಭಕ್ತರು ಹಾಗೂ ಪ್ರಯಾಣಿಕರಿಗೆ ಜಾಗ ಬಿಡದೇ ಕೆಲವು ಸಮಯ ಅಲ್ಲೇ ನಿಂತಿತ್ತು.

ಈ ರಸ್ತೆ ಮೇಲೆ ಓಡಾಡುವ ಭಕ್ತರು ಹಾಗೂ ಗ್ರಾಮಸ್ಥರು, ತಮ್ಮ ಮೊಬೈಲ್​​ನಲ್ಲಿ ಆನೆಯ ದೃಶ್ಯ ಸೆರೆ ಹಿಡಿದಿದ್ದಾರೆ. ಸುಮಾರು ಒಂದು ಒಂದು ತಾಸಿನವರೆಗೂ ಯಾರಿಗೂ ಜಾಗ ಬಿಡದೇ ರಸ್ತೆಯಲ್ಲೇ ಆನೆ ನಿಂತಿತ್ತು. ಇದರಿಂದ ಕೆಲಕಾಲ ಸಂಚಾರವನ್ನೇ ನಿಲ್ಲಿಸಬೇಕಾಯಿತು.

ಅದೃಷ್ಟವಶಾತ್​ ಯಾರಿಗೂ ಹಾನಿ ಮಾಡದ ಆನೆ ಅಲ್ಲಿಂದ ಕಾಲ್ಕಿತ್ತ ಬಳಿಕ ಸಂಚಾರ ಆರಂಭಿಸಲಾಯಿತು. ಇನ್ನು ಮಲೆ ಮಹದೇಶ್ವರ ವನ್ಯಧಾಮ ವ್ಯಾಪ್ತಿಯಲ್ಲಿ ಆಗ್ಗಾಗ್ಗೇ ಕಾಡಾನೆಗಳು ಕಾಣಿಸಿಕೊಳ್ಳುವುದು ಸಾಮಾನ್ಯ ಎಂದು ಇಲ್ಲಿನ ಗ್ರಾಮಸ್ಥರು ಹೇಳುತ್ತಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/there-can-be-no-mining-within-wildlife-sanctuaries-and-national-parks-supreme-court/