ಬನ್ನೇರುಟ್ಟದಲ್ಲಿ ಆನೆಗಳ ದಿನಾಚರಣೆ

ಆನೇಕಲ್​: ಬನ್ನೇರುಟ್ಟ ಜೈವಿಕ ಉದ್ಯಾನವನವು ಅಂಚೆ ಇಲಾಖೆ, ಪೋಸ್ಟ್​ ಕ್ರಾಸಿಂಗ್​ ವೆಲ್ಫೇರ್​ ಸೊಸೈಟಿ ಆಫ್​ ಇಂಡಿಯಾ, ರೋಟರಾಕ್ಟ್​ ಜಿಲ್ಲೆ 3,191, ರೋಟರಾಕ್ಟ್​ ಆಟ್ರಿಯಾ ಇನ್​ಸ್ಟಿಟ್ಯೂಟ್​ ಆಫ್​ ಟೆಕ್ನಾಲಜಿ, ಬೆಂಗಳೂರಿನ ಜಯನಗರದ ರೋಟರಾಕ್ಟ್​ ಕ್ಲಬ್​ ಸಹಯೋಗದಲ್ಲಿ ಗುರುವಾರ ವಿಶ್ವ ಆನೆಗಳ ದಿನ ಆಚರಿಸಲಾಯಿತು. ಮಾವುತರು, ಕಾವಡಿಗಳು ಮತ್ತು ರಾತ್ರಿ ವೀಕ್ಷಕರು ನಿರ್ವಹಿಸುವ ನಿರ್ಣಾಯಕ ಪಾತ್ರಗಳನ್ನು ಪರಿಚಯಿಸಿ ಆನೆ ಮತ್ತು ಮಾವುತನ ನಡುವಿನ ಬಾಂಧವ್ಯದ ಬಗ್ಗೆ ಪಶುವೈದ್ಯರು ಮಾಹಿತಿ ನೀಡಿದರು.

ಜಪಾನ್​ಗೆ ಪ್ರಾಣಿವಿನಿಮಯದಡಿ ಇತ್ತೀಚಿಗೆ ಆನೆಗಳ ಯಶಸ್ವಿ ಸ್ಥಳಾಂತರದ ಅನುಭವಗಳನ್ನು ಜೀವಶಾಸೆ ಹಂಚಿಕೊಂಡರು. ಕರ್ನಾಟಕ ವೃತ್ತದ ಮುಖ್ಯ ಪೋಸ್ಟ್​ಮಾಸ್ಟರ್​ ಜನರಲ್​, ಐಪಿಒಎಸ್​ ಕೆ.ಪ್ರಕಾಶ್​, ಬನ್ನೇರುಟ್ಟ ಜೈವಿಕ ಉದ್ಯಾನವನ ಕಾರ್ಯನಿರ್ವಾಹಕ ನಿರ್ದೇಶಕ ಎ.ವಿ.ಸೂರ್ಯ ಸೇನ್​, ಐಎಫ್​ಎಸ್​ ಅವರು ಶೈಕ್ಷಣಿಕ, ಆನೆಯ ವಿಶೇಷ ಪೋಸ್ಟ್​ಕಾರ್ಡ್​ ಬಿಡುಗಡೆ ಮಾಡಿದರು. ನಿವೃತ್ತ ಮಾವುತರಾದ ಮೋಟಾ ಮತ್ತು ಭಾಸ್ಕರ್​ ಅವರನ್ನು ಗೌರವಿಸಲಾಯಿತು. ರೋಟರಾಕ್ಟ್​ ಕ್ಲಬ್​ ಸದಸ್ಯರು ರಾತ್ರಿ ಆನೆ ಕಾವಲುಗಾರರಿಗೆ ಸೌರಶಕ್ತಿ ಚಾಲಿತ ದೀಪಗಳನ್ನು ವಿತರಿಸಿದರು.