ಸಿದ್ದಲಿಂಗಪುರ ವ್ಯಾಪ್ತಿಯಲ್ಲಿ ಆನೆಗಳ ಹಾವಳಿ

ಕುಶಾಲನಗರ:

ತೊರೆನೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯ ಸಿದ್ದಲಿಂಗಪುರ ಗ್ರಾಮದ ವ್ಯಾಪ್ತಿಯಲ್ಲಿ ಕಳೆದ ಒಂದು ತಿಂಗಳುಗಳಿAದಲೂ ಕಾಡಾನೆಗಳ ಹಾವಾಳಿಯಿಂದಾಗಿ ಸಿದ್ದಲಿಂಗಪುರ, ಅರಸಿಗುಪ್ಪೆ, ಅಳಲುಗುಪ್ಪೆ ವ್ಯಾಪ್ತಿಯ ರೈತರ ಜಮೀನಲ್ಲಿ ಅಪಾರ ಪ್ರಮಾಣದ ಬೆಳೆ ನಷ್ಟವಾಗಿದೆ.

ಸಿದ್ದಲಿಂಗಪುರ ಗ್ರಾಮದ ರಾಬಿನ್ ರಾಘವೇಂದ್ರ, ರಾಮು, ಮುತ್ತುಸ್ವಾಮಿ, ಪೂವಯ್ಯ, ಮಹೇಶ್, ಗೀತಮ್ಮ, ಕಾಂತರಾಜ್ ಸುಂದರ ಸೇರಿದಂತೆ ಹಲವಾರು ರೈತರ ಜಮೀನಿಗೆ ದಾಳಿ ಮಾಡಿ ಶುಂಠಿ, ಜೋಳ, ಸಿಹಿ ಗೆಣಸು, ಮರ ಗೆಣಸು, ಬಾಳೆ ಬೆಳೆಗಳನ್ನು ತುಳಿದ ತಿಂದು ಅಪಾರ ಪ್ರಮಾಣದಲ್ಲಿ ನಷ್ಟ ಪಡಿಸಿವೆ.

ಬಾಣವಾರ ಉಪ ಅರಣ್ಯ ಇಲಾಖೆಯ ಅಧಿಕಾರಿ ವರ್ಗ ಸ್ಧಳ ಪರಿಶೀಲನೆ ನಡೆಸಿ ಸೂಕ್ತ ಕ್ರಮಗಳನ್ನು ಕೈಗೊಳ್ಳುವಂತೆ ಈ ವ್ಯಾಪ್ತಿಯ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.