Electoral roll ಮತದಾರರ ಕರಡು ಪ್ರಕಟ

ಕಾರವಾರ: ಜಿಲ್ಲೆಯಲ್ಲಿ ಕರಡು ಮತದಾರರ ಪಟ್ಟಿ(Electoral roll)  ಯನ್ನು ಪ್ರಕಟಿಸಲಾಗಿದ್ದು, ಸದರಿ ಪಟ್ಟಿಯ ಕುರಿತಂತೆ ನವೆಂಬರ್ 28 ರೊಳಗೆ ಆಕ್ಷೇಪಣೆಗಳನ್ನು ಸಲ್ಲಿಸಬಹುದಾಗಿದೆ ಎಂದು ಜಿಲ್ಲಾಧಿಕಾರಿ ಕೆ.ಲಕ್ಷ್ಮೀಪ್ರಿಯಾ ತಿಳಿಸಿದರು. ಅವರು ಮಂಗಳವಾರ, ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ, ಜಿಲ್ಲೆಯ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳೊಂದಿಗೆ ಮತದಾರರ ಪಟ್ಟಿಯ ವಿಶೇಷ ಪರಿಷ್ಕರಣೆ ಕುರಿತ ನಡೆದ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಕರಡು ಮತದಾರರ ಪಟ್ಟಿಯನ್ವಯ ಜಿಲ್ಲೆಯಲ್ಲಿ 1445 ಮತಗಟ್ಟೆಗಳಲ್ಲಿ, 6,09,721 ಪುರುಷರು, 6,10,605 ಮಹಿಳೆಯರು, ಇತರೇ 5 ಸೇರಿದಂತೆ ಒಟ್ಟು 12,20,331 ಮತದಾರರಿದ್ದು, 18-19 ವರ್ಷದ ಮತದಾರರ ಸೇರ್ಪಡೆಗಾಗಿ ನವೆಂಬರ್ 9 ಮತ್ತು 10 ಹಾಗೂ ನವೆಂಬರ್ 23 ಮತ್ತು 24 ರಂದು ಮಿಂಚಿನ ನೊಂದಣಿ ಕಾರ್ಯಕ್ರಮವನ್ನು ಎಲ್ಲಾ ಮತಗಟ್ಟೆಗಳಲ್ಲಿ ಹಮ್ಮಿಕೊಳ್ಳಲಾಗುವುದು ಎಂದರು.

Electoral roll ಗಾಗಿ ಇಲ್ಲಿ ನೋಡಿ

ಉತ್ತರ ಕನ್ನಡ ಜಿಲ್ಲಾ ವೆಬ್ ಸೈಟ್ www.uttarakannada.comನಲ್ಲಿ ಜಿಲ್ಲೆಯ ಕರಡು ಮತದಾರರ

ಪಟ್ಟಿಯನ್ನು ಪ್ರಕಟಿಸಿದ್ದು, ಅಂತಿಮ ಮತದಾರರ ಪಟ್ಟಿಯನ್ನು 2025 ರ ಜನವರಿ 6 ರಂದು ಪ್ರಕಟಿಸಲಾಗುವುದು ಎಂದರು. ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿ ಸಾಜಿದ್ ಮುಲ್ಲಾ ಹಾಗೂ ಜಿಲ್ಲೆಯ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು

ಭಾಗವಹಿಸಿದ್ದರು.

ವಿದೇಶಿ ಪ್ರವಾಸಿಗನ ಮೇಲೆ ಹೆಜ್ಜೇನು ದಾಳಿhttps://www.vijayavani.net/hejjenu-attack-on-foreign-tourist