ಪಾವಗಡ ವಕೀಲರ ಸಂಘಕ್ಕೆ ಆಯ್ಕೆ

ಪಾವಗಡ: ತಾಲೂಕಿನ ವಕೀಲರ ಸಂಘಕ್ಕೆ ಬುಧುವಾರ ಆಯೋಜಿಸಿದ್ದ ಚುನಾವಣೆಯಲ್ಲಿ ನೂತನ ಪದಾಧಿಕಾರಿಗಳನ್ನ ಆಯ್ಕೆ ಮಾಡಲಾಯಿತು.

ಅಧ್ಯಕ್ಷ ಸ್ಥಾನಕ್ಕೆ ಆರ್​.ರಂಗನಾಥಪ್ಪ, ಎಚ್​.ರಾಮಾಂಜನೇಯಲು, ಪಿ.ಎಂ.ರಾಜಶೇಖರ್​, ವಿ.ಡಿ. ವೆಂಕಟಸ್ವಾಮಿ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಎ.ಎಸ್​.ರಘುನಂದನ್​, ಎಚ್​.ಹನುಮಂತರಾಯಪ್ಪ ಮತ್ತು ಪ್ರಧಾನ ಕಾರ್ಯದರ್ಶಿ ಸ್ಥಾನಕ್ಕೆ, ಎಚ್​.ಚಂದ್ರಪ್ಪ, ಎಲ್​.ಇ.ನಾಗರಾಜು, ಎನ್​.ರವೀಂದ್ರಪ್ಪ ನಾಮಪತ್ರ ಸಲ್ಲಿಸಿದ್ದರು.

62 ಮತ ಪಡೆದು ಆರ್​.ರಂಗನಾಥಪ್ಪ ಅಧ್ಯಕ್ಷರಾಗಿ, 74 ಮತಗಳನ್ನು ಪಡೆದು ಸಿ.ಎಚ್​.ಹನುಮಂತ ರಾಯಪ್ಪ ಉಪಾಧ್ಯಕ್ಷ ಸ್ಥಾನಕ್ಕೆ ಹಾಗೂ 81 ಮತಗಳನ್ನು ಪಡೆದು ಪ್ರಧಾನ ಕಾರ್ಯದರ್ಶಿ ಸ್ಥಾನಕ್ಕೆ ಎಚ್​.ಚಂದ್ರಪ್ಪ ಆಯ್ಕೆಯಾದರು. ಎಸ್​.ಎನ್​.ಮುರಳಿಧರ್​ ಚುನಾವಣಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು.