ಜಿಪಂ ಸ್ಥಾಯಿ ಸಮಿತಿ ಮಾಜಿ ಅಧ್ಯಕ್ಷ ಕೆ.ಸಿ.ರಾಜಾಕಾಂತ್ ಮಾತನಾಡಿ, ಈ ಹಿಂದಿನ ಪ್ರಾಮಾಣಿಕ ಅಧಿಕಾರಿಗಳು ಸಚಿವರ ತಾಳಕ್ಕೆ ತಕ್ಕಂತೆ ಕುಣಿಯಲಿಲ್ಲ ಎಂಬ ಭಾವನೆಯಲ್ಲಿ ಸರ್ಕಾರದ ಮೇಲೆ ಒತ್ತಡ ಹೇರಿ ವರ್ಗಾವಣೆ ಮಾಡಿಸಲಾಯಿತು ಎಂದು ಆರೋಪಿಸಿದರು. ಜನವರಿಯಲ್ಲಿ ಶತಾಯ ಗತಾಯ ಸರ್ಕಾರಿ ವೈದ್ಯಕೀಯ ಕಾಲೇಜು ಉದ್ಘಾಟಿಸಬೇಕೆಂಬ ಲೆಕ್ಕಾಚಾರದಲ್ಲಿ ಕಳಪೆ ಕಾಮಗಾರಿ ನಿರ್ವಹಿಸಲಾಗುತ್ತಿದೆ. ಇದಕ್ಕೆ ಕಟ್ಟಡದ ಛಾವಣಿ ಕುಸಿದು, 9 ಮಂದಿ ಕಾರ್ಮಿಕರು ಗಾಯ ಗೊಂಡಿರುವುದೇ ನಿದರ್ಶನ. ಎಚ್.ಎನ್.ವ್ಯಾಲಿ ಯೋಜನೆಯ ಸಂಸ್ಕರಿಸಿದ ನೀರನ್ನು ಕೆರೆಗಳಿಗೆ ಹರಿಸುವುದು ಹಾನಿಕಾರಕ ಎಂಬ ವಿಜ್ಞಾನಿಗಳ ವರದಿಯನ್ನು ಗಂಭೀರವಾಗಿ ಪರಿಗಣಿಸಿಲ್ಲ. ಇದರ ನಡುವೆ ಕಾರ್ಯಕ್ರಮಕ್ಕೆ ಮೊದಲೇ ಆರೋಗ್ಯ ಮೇಳದ ವಿಶ್ವದಾಖಲೆಯನ್ನು ಘೋಷಿಸಲಾಯಿತು ಎಂದು ವ್ಯಂಗ್ಯವಾಡಿದರು. ಯುವ ಮುಖಂಡರಾದ ಸಾಧಿಕ್ ಪಾಷಾ, ಶ್ರೀಧರ್, ರಾಮು, ನಾರಾಯಣಸ್ವಾಮಿ, ಅಖಿಲ್ ರೆಡ್ಡಿ ಮತ್ತಿತರರು ಇದ್ದರು.
