ಈ ಹಿಂದಿನ ಚುನಾವಣೆಗಳನ್ನು ಗಮನಿಸಿದರೆ ೨೦೧೮ರಲ್ಲಿ ೧೩,೩೫೩ ಮತಗಳ ಅಂತರದಲ್ಲಿ ವಿರಾಜಪೇಟೆಯಲ್ಲಿ ಕಾಂಗ್ರೆಸ್ ೨ನೇ ಸ್ಥಾನದಲ್ಲಿದ್ದರೆ. ಮಡಿಕೇರಿಯಲ್ಲಿ ೧೬,೨೧೫ ಮತಗಳ ಅಂತರದಲ್ಲಿ ಜೆಡಿಎಸ್ ಸಮೀಪದ ಪ್ರತಿಸ್ಪರ್ಧಿ ಆಗಿತ್ತು. ೨೦೧೩ರ ಚುನಾವಣೆಯಲ್ಲಿ ವಿರಾಜಪೇಟೆಯಲ್ಲಿ ಕಾಂಗ್ರೆಸ್ ಕೇವಲ ೩,೪೧೪ ಮತಗಳ ಅಂತರದಿಂದ ಸಮೀಪದ ಪ್ರತಿಸ್ಪರ್ಧಿ ಆಗಿದ್ದರೆ, ಮಡಿಕೇರಿಯಲ್ಲೂ ಕೇವಲ ೪,೬೨೯ ಮತಗಳ ಅಂತದಲ್ಲಿ ಜೆಡಿಎಸ್ ೨ನೇ ಸ್ಥಾನ ಪಡೆದುಕೊಂಡಿತ್ತು. ೨೦೦೮ರಲ್ಲೂ ವಿರಾಜಪೇಟೆಯಲ್ಲಿ ಕಾಂಗ್ರೆಸ್ ೨ನೇ ಸ್ಥಾನದಲ್ಲಿ ಇತ್ತು. ಆಗ ಗೆಲುವಿನ ಅಂತರ ೧೫,೦೭೩ ಮತಗಳು. ಈ ಸಂದರ್ಭದಲ್ಲಿ ಮಡಿಕೇರಿ ಕ್ಷೇತ್ರದಲ್ಲೂ ೨ನೇ ಸ್ಥಾನ ಪಡೆದುಕೊಂಡಿದ್ದು ಕಾಂಗ್ರೆಸ್. ೨೦೧೮ ಮತ್ತು ೨೦೧೩ರಲ್ಲಿ ಜೆಡಿಎಸ್ನಿಂದ ಸ್ಪರ್ಧಿಸಿದ್ದ ಮಾಜಿ ಸಚಿವ ಬಿ.ಎ. ಜೀವಿಜಯ ೨೦೦೮ರಲ್ಲಿ ಕಾಂಗ್ರೆಸ್ನಿಂದ ಸ್ಪರ್ಧಿಸಿ ೬,೫೮೫ ಮತಗಳ ಅಂತರದಿಂದ ಸೋಲು ಅನುಭವಿಸಿದ್ದರು.
