ಸಂಜೆ 4 ಗಂಟೆ ಸುಮಾರಿಗೆ ನಗರದ ವಿವಿಧ ಭಾಗಗಳಿಂದ ಮಹಮ್ಮದ್ ಪೈಂಗಂಬರರ ಸಂದೇಶ ಸಾರುವ ಸ್ಥಬ್ಧಚಿತ್ರಗಳ ಬೃಹತ್ ಮೆರವಣಿಗೆ ನಡೆಯಿತು. ಮೈಸೂರು ರಸ್ತೆಯ ನಾಯಂಡಹಳ್ಳಿ ಕಡೆಯಿಂದ ಕೆ.ಆರ್. ಮಾರುಕಟ್ಟೆ, ಪುರಭವನ ಮಾರ್ಗವಾಗಿ ಸಾಗಿದ ಬೃಹತ್ ಮೆರವಣಿಗೆ ವೈಎಂಸಿಎ ಮೈದಾನ ತಲುಪಿತು. ಇದೇ ರೀತಿ ಜೆ.ಸಿ.ನಗರ ಭಾಗದಿಂದ ಜಯಮಹಲ್ ಮಾರ್ಗವಾಗಿ ಹಾಗೂ ಟ್ಯಾನರಿ ರಸ್ತೆ ಕಡೆಯಿಂದ, ಹೆಗಡೆ ನಗರ ಕಡೆಯಿಂದ, ಕೋರಮಂಗಲ, ನೀಲಸಂದ್ರ ಸೇರಿ ನಗರದ ನಾನಾ ಭಾಗಗಳಿಂದ ಆಗಮಿಸಿ ಮೆರವಣಿಗೆ ವೈಎಂಸಿಎ ಮೈದಾನ ಸೇರಿದವು. 7.30ರ ಸುಮಾರಿಗೆ ಧಾರ್ಮಿಕ ಸಭೆ ಆರಂಭವಾಯಿತು. ಮುಸ್ಲಿಂ ಧರ್ಮದ ಗುರುಗಳು ಪ್ರವಚನ ನೀಡಿದರು. ರಾಜಕೀಯ ಗಣ್ಯರು ಪಾಲ್ಗೊಂಡು ಮುಸ್ಲಿಂ ಬಾಂಧವರಿಗೆ ಈದ್ ಶುಭ ಕೋರಿದರು.
