ವಿಜಯಪುರದ ಅರ್ಧ ಭಾಗದಲ್ಲಿ ಭೂಮಿ ಕಂಪಿಸಿದ ಅನುಭವ ಆಗಿದ್ದು, ವಿಜಯಪುರ ನಗರ ಫುಲ್ ಶೇಕ್ ಶೇಕ್ ಆಗಿದೆ. ವಿಜಯಪುರದ ಆನಂದನಗರ, ಕಾಳಿಕಾನಗರ, ಮುಕುಂದನಗರ, ಗಚ್ಚಿನಕಟ್ಟಿ ಕಾಲೋನಿ ಸೇರಿದಂತೆ ಹಲವೆಡೆ ಭೂಕಂಪ ಆದ ಅನುಭವ ಆಗಿದೆ. ಕಳೆದ ತಡರಾತ್ರಿ ಹಾಗೂ ಇಂದು ಬೆಳಗಿನ ಜಾವ ಐದು ಗಂಟೆಗೆ ಸೇರಿ ಎರಡು ಬಾರಿ ಭೂಮಿ ಕಂಪಿಸಿದ ಅನುಭವ ಇಲ್ಲಿನ ಜನರಿಗೆ ಆಗಿದೆ. ಭೂಮಿ ಕಂಪಿಸಿದ ಅನುಭವಕ್ಕೆ ಪಾತ್ರೆಗಳು ಅಲ್ಲಾಡಿದ್ರೆ, ಮನೆಯ ಮೇಲ್ಛಾವಣಿಯ ಶೀಟ್(ತಗಡು) ಹಾಗೂ ಕಿಟಕಿಗಳು ಒಂದಕ್ಕೊಂದು ತಾಗಿ ಬಡಿದಾಡಿವೆ. ಅಲ್ಲದೆ ಒಂದೆರಡು ಮನೆಗಳಲ್ಲಿ ಹಾಗೂ ನೀರಿನ ಟ್ಯಾಂಕ್ ನಲ್ಲಿ ಕೂಡ ಬಿರುಕು ಕಾಣಿಸಿಕೊಂಡಿದೆ. ವಿವಿಧ ಬಡಾವಣೆಯ ಜನ್ರಲ್ಲಿ ಆತಂಕ ಮೂಡಿದೆ.
