ಆಳಂದ (ಕಲಬುರಗಿ): ನರೋಣಾ ಕಂದಾಯ ವ್ಯಾಪ್ತಿಯ ಚಿಂಚನಸೂರ, ಜವಳಗಾ, ಆಲೂರ ಗ್ರಾಮಗಳಲ್ಲಿ ಗುರುವಾರ ೨.೩ ತೀವ್ರತೆಯ ಭೂಕಂಪನವಾಗಿದ್ದು, ಭಯದಿಂದ ಜನರು ಮನೆಗಳಿಂದ ಹೊರಬಂದಿದ್ದಾರೆ. ಬೆಳಗ್ಗೆ ೮.೧೭ಕ್ಕೆ ಭಾರಿ ಶಬ್ದದೊಂದಿಗೆ ಸುಮಾರು ಐದು ನಿಮಿಷ ಭೂಮಿ ಕಂಪಿಸಿದ ಅನುಭವವಾಗಿದೆ. ಮನೆಯಲ್ಲಿನ ವಸ್ತುಗಳು ಚೆಲ್ಲಾಪಿಲ್ಲಿಯಾಗಿದ್ದು, ಶಬ್ದ ಕೇಳಿಸುತ್ತಿದ್ದಂತೆ ಜನರು ಮನೆ ಬಿಟ್ಟು ರಸೆಗೆ ಬಂದರು. ಕೆಲ ಸಮಯದ ಬಳಿಕ ಮನೆಯೊಳಗೆ ಹೋಗಿ ಸಾಮಗ್ರಿಗಳನ್ನು ಜೋಡಿಸಿಟ್ಟರು. ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ಮೇಲ್ವಿಚಾರಣಾ ಕೇಂದ್ರ ಭೂಕಂಪನವನ್ನು ದೃಢಪಡಿಸಿದೆ. ಗಣಿ ಮತ್ತು ಭೂ ವಿe್ಞÁನ ಇಲಾಖೆ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದು, ಇಂಥ ಭೂಕಂಪನ ಸ್ಥಳೀಯ ಸಮುದಾಯಕ್ಕೆ ಯಾವುದೇ ಹಾನಿ ಉಂಟು ಮಾಡುವುದಿಲ್ಲ. ತೀವ್ರತೆ ಕಡಿಮೆಯಾಗಿದ್ದು, ಸಮಸ್ಯೆಯಾಗಲ್ಲ ಎಂದು ಹೇಳಿದರು. ತಹಸೀಲ್ದಾರ್ ಅಣ್ಣಾರಾವ ಪಾಟೀಲ್, ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ವಿಮಲಾಬಾಯಿ ರಾಮನ್, ಉಪಾಧ್ಯP್ಷÀ ಪ್ರಶಾಂತ ಇಂಡಿ, ಸ್ಥಳೀಯರಾದ ಕಾಶೀನಾಥ ರಾಮನ್, ಶ್ರೀಶೈಲ ಪಾಟೀಲ್, ಅವಿನಾಶ, ಸುನೀಲಕುಮಾರ ಇತರರಿದ್ದರು.
