ಸಂಜೆ 6 ಗಂಟೆಗೆ ಬೆಳದಿಂಗಳ ಸಂಗೀತ-268ರ ಅಂಗವಾಗಿ ಚಾಮುಂಡಿಬೆಟ್ಟದ ತಪ್ಪಲಿನ ಶ್ರೀ ಸುತ್ತೂರು ಶಾಖಾ ಮಠದಲ್ಲಿ ಆಯೋಜಿಸಿರುವ ಕಾರ್ಯಕ್ರಮದಲ್ಲಿ ಸಂಗೀತ ಸುಧೆ ಹರಿಸಲಿದ್ದಾರೆ. ಶ್ರೀ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ದ್ವಂದ್ವ ವಯೊಲಿನ್ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದ್ದು, ಇವರಿಗೆ ವಿದ್ವಾನ್ ಆನೂರು ವಿನೋದ್ ಶ್ಯಾಮ್(ಮೃದಂಗ), ವಿದ್ವಾನ್ ಸುನಾದ್ ಆನೂರ್(ಖಂಜರಿ) ಸಾಥ್ ನೀಡಲಿದ್ದಾರೆ.
ಬಾಂಬೆ ವಿ. ಆನಂದ್ ಅವರು ಪ್ರಾರಂಭಿಕ ಶಿಕ್ಷಣವನ್ನು ಬೋರಿವಿಲಿ ಕಣ್ಣನ್ ಅವರ ಬಳಿ ಪಡೆದರು. ಆನಂತರ ಮುಂಬೈನ ದ ಫೈನ್ ಆರ್ಟ್ಸ್ ಮ್ಯೂಸಿಕ್ ಸ್ಕೂಲ್ನಲ್ಲಿ ವಿದುಷಿ ಗೋಮತಿ ಹಾಗೂ ಟಿ.ಆರ್. ಬಾಲಾಮಣಿ ಬಳಿ ಶಿಷ್ಯವೃತ್ತಿ ಮಾಡಿದರು. ಪ್ರಸ್ತುತ ಪದ್ಮಶ್ರೀ ಪುರಸ ್ಕೃತರಾದ ಸಂಗೀತಕಲಾನಿಧಿ ವಿದುಷಿ ಎ.ಕನ್ಯಾಕುಮಾರಿ ಬಳಿ ವಾದನ ನೈಪುಣ್ಯದ ಸೂಕ್ಷ್ಮತೆಗಳನ್ನು ಅಭ್ಯಸಿಸುತ್ತಿದ್ದಾರೆ.
