ಕಾರ್ಯಕ್ರಮ ಪ್ರಾರಂಭಿಸುವ ಮೊದಲು ಬಿಗ್ಬಾಸ್ ತಂಡ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡಿಗ್ನಲ್ಲಿರುವ ಕೆಲವು ಸೆಲೆಬ್ರೆಟಿಗಳನ್ನು ಪತ್ತೆ ಹಚ್ಚಿ ಅವರ ಕುರಿತಾಗಿ ಕೆಲವು ರಿಸರ್ಚ್ ಮಾಡಿ ದೊಡ್ಡಮನೆಗೆ ಕರೆತರಲಾಗುತ್ತದೆ. ಹೀಗೆ ಮನೆಯೊಳಗೆ ಎಂಟ್ರಿ ಕೊಡುವ ಸ್ಪರ್ಧಿಗಳು ಗೆಲ್ಲಲೆ ಬೇಕು ಎನ್ನುವ ಹಠದಿಂದ ಟಾಸ್ಕ್, ಡ್ರಾಮಾ, ಸಿಂಪತಿ, ಗೆಳತನ, ಪ್ರೀತಿ, ಎನ್ನುವ ಮುಖವಾಡ ಹಾಕಿಕೊಂಡು ಆಟ ಶುರು ಮಾಡುತ್ತಾರೆ. ಇದನ್ನು ಟಿವಿಯಲ್ಲಿ ನೋಡುವ ವೀಕ್ಷಕ ತಮ್ಮ ನೆಚ್ಚಿನ ಆಟಗಾರ ಯಾರು ಅವರಿಗೆ ಸಪೋರ್ಟ್ ಮಾಡುತ್ತಾ ಅವರನ್ನು ಮೆನೆಯಲ್ಲಿಯೇ ಉಳಿಸಲು ವೋಟ್ ಮಾಡುತ್ತಾ ಬರುತ್ತಾನೆ. ಪೈನಲ್ ಆಗಿ ಯಾರು ಉಳಿತಾರೆ ಅವರಿಗೆ ಬಿಗ್ಬಾಸ್ ಕಪ್, ನಗದು ಬಹುಮಾನ ನೀಡಲಾಗುತ್ತದೆ. ಬಿಗ್ಬಾಸ್ನಿಂದ ಹೊರ ಬಂದ ಮೇಲೆ ಇವರಿಗೆ ನಟನೆಯ ಹಲವಾರು ಅವಕಾಶಗಳು ಒದಗಿ ಬಂದಿರುವ ಎಷ್ಟೋ ಉದಾಹರಣೆಗಳು ನಮ್ಮ ಮುಂದೆ ಇವೆ.
