ಓಮ್ನಿ ಕಾರಿನ ಮುಂಭಾಗ ಸಂಪೂರ್ಣ ಜಖಂಗೊಂಡಿದ್ದು, ಚಾಲಕ ಧನಂಜಯ ಅವರ ಎರಡು ಕಾಲುಗಳು ಸ್ಟೇರಿಂಗ್ ನಡುವೆ ಸಿಲುಕಿ ಮೇಲೇಳಲಾಗದೆ ಗಂಭೀರವಾಗಿ ಗಾಯಗೊಂಡು ಸಹಾಯಕ್ಕಾಗಿ ರಾತ್ರಿ 3ರ ವೇಳೆ ಚೀರಾಡಿದ್ದಾರೆ. ಅಪಘಾತ ಯಾರ ಗಮನಕ್ಕೂ ಬಾರದ ಹಿನ್ನೆಲೆಯಲ್ಲಿ ರಕ್ತದ ಮಡುವಿನಲ್ಲೇ ನರಳಿದ್ದಾರೆ. ಮುಂಜಾನೆ ಪಾದಾಚಾರಿ ಮಾಹಿತಿ ಮೇರೆಗೆ ಸ್ಥಳ ಪರಿಶೀಲಿಸಿದ ಅಗ್ನಿಶಾಮಕ ಠಾಣಾಧಿಕಾರಿ ಅಂಬರೀಶ್ ಉಪ್ಪಾರ ಹಾಗೂ ಸಿಬ್ಬಂದಿ ತೇಜೋಮೂರ್ತಿ, ಪರಮೇಶ್, ಅನಂತ, ಶ್ರೀಶೈಲಾ, ಶಿವು ಹಾಗೂ ನೂರ್ ಸಾಬ್ ಅವರು ರಕ್ಷಣಾ ಯಂತ್ರಗಳ ಸಹಾಯದಿಂದ ಸುಮಾರು ಅರ್ಧ ತಾಸು ಕಾರ್ಯಚರಣೆ ನಡೆಸಿ ಒಳಗೆ ಸಿಲುಕಿದ್ದ ಗಾಯಾಳು ಧನಂಜಯನನ್ನು ಸುರಕ್ಷಿತವಾಗಿ ಹೊರತೆಗೆದು, ಆಸ್ಪತ್ರೆಗೆ ದಾಖಲಿಸಿದರು. ಶ್ರೀರಂಗಪಟ್ಟಣ ಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
