ಗ್ರಾಮೀಣ ಜನರಿಗೆ 'ದೃಷ್ಟಿ ಚಕ್ರ' ಆಸರೆಯಾಗಲಿ

ಅಪರ ಜಿಲ್ಲಾಧಿಕಾರಿ ಅಬೀದ್​ ಗದ್ಯಾಳ ಆಶಯ

ಕೆಎಂಸಿಯ ನೇತ್ರ ತಪಾಸಣಾ ಸಂಚಾರಿ ಘಟಕ ಉದ್ಘಾಟನೆ

ವಿಜಯವಾಣಿ ಸುದ್ದಿಜಾಲ ಉಡುಪಿ

ಜಿಲ್ಲೆಯೂ ಸೇರಿದಂತೆ ರಾಜ್ಯದ ವಿವಿಧ ಜಿಲ್ಲೆಗಳ ಜನರ ಆರೋಗ್ಯ ರಕ್ಷಣೆಯಲ್ಲಿ ಮಣಿಪಾಲ ಫೌಂಡೇಷನ್​, ಮಾಹೆ, ಕೆಎಂಸಿ ಮತ್ತು ಕಸ್ತೂರ್ಬಾ ಆಸ್ಪತ್ರೆಯು ಬದ್ಧತೆಯನ್ನು ಹೊಂದಿದೆ. ಅದರ ಮುಂದುವರಿದ ಭಾಗವಾಗಿ ದೃಷ್ಟಿ ಚಕ್ರವು ಜನರ ಕಣ್ಣುಗಳ ಆರೋಗ್ಯ ರಕ್ಷಣೆಯಲ್ಲಿ ಮಹತ್ವದ ಪಾತ್ರ ನಿಭಾಯಿಸಲಿದೆ. ವಿಶೇಷವಾಗಿ ಗ್ರಾಮೀಣ ಭಾಗದಲ್ಲಿ ದೃಷ್ಟಿ ಸಮಸ್ಯೆ ಅನುಭವಿಸುತ್ತಿರುವವರಿಗೆ ಆಸರೆಯಾಗಲಿ ಎಂದು ಅಪರ ಜಿಲ್ಲಾಧಿಕಾರಿ ಅಬೀದ್​ ಗದ್ಯಾಳ ಆಶಯ ವ್ಯಕ್ತಪಡಿಸಿದರು.

ಉಡುಪಿಯ ಮಣಿಪಾಲದಲ್ಲಿ ಕಸ್ತೂರ್ಬಾ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಯಲ್ಲಿ ಮಣಿಪಾಲ ಫೌಂಡೇಷನ್​ನ ಸಹಯೋಗದೊಂದಿಗೆ ಗುರುವಾರ (ಅ.30) ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ದೃಷ್ಟಿ ಚಕ್ರ ಹೆಸರಿನ ಸುಧಾರಿತ ನೇತ್ರ ತಪಾಸಣಾ ಸಂಚಾರಿ ಘಟಕ (ಬಸ್​) ಉದ್ಘಾಟಿಸಿ ಮಾತನಾಡಿದರು.

ಅತ್ಯಾಧುನಿಕ ಸೌಲಭ್ಯ

ಮಾಹೆ ಮಣಿಪಾಲದ ಕುಲಪತಿ ಲೆಫ್ಟಿನೆಂಟ್​ ಜನರಲ್​ (ಡಾ.) ಎಂ.ಡಿ. ವೆಂಕಟೇಶ್​ (ವಿಎಸ್​ಎಂ ನಿವೃತ್ತ) ಮಾತನಾಡಿ, ಕಣ್ಣಿನ ಪೊರೆ, ಗ್ಲುಕೋಮಾ, ಮಧುಮೇಹ ರೆಟಿನೋಪತಿ, ಕಾರ್ನಿಯಲ್​ ಕುರುಡುತನ ಮತ್ತು ರಿಫ್ರಾಕ್ಷನ್​ ದೋಷಗಳನ್ನು ಪತ್ತೆಹಚ್ಚಲು ಈ ಘಟಕ ಅತ್ಯಾಧುನಿಕ ಸೌಲಭ್ಯ ಹೊಂದಿದೆ. ಸಂಚಾರಿ ವಾಹನವು ತೃತೀಯ ವೈದ್ಯಕೀಯ ಸಂಸ್ಥೆ ಮತ್ತು ಗ್ರಾಮೀಣ ಸಮುದಾಯಗಳ ನಡುವಿನ ಅಂತರವನ್ನು ಕಡಿಮೆ ಮಾಡಲಿದೆ ಎಂದರು.

ವೈದ್ಯಕೀಯ ಶ್ರೇಷ್ಠ ಸೇವೆ

ಉಡುಪಿ ಜಿಲ್ಲಾ ಕುಷ್ಠರೋಗ ನಿವಾರಣಾ ಅಧಿಕಾರಿ ಡಾ. ಲತಾ ನಾಯಕ್​, ಮಾಹೆಯ ಸಹ ಕುಲಪತಿ (ಆರೋಗ್ಯ ವಿಜ್ಞಾನ) ಡಾ. ಶರತ್​ ಕೆ. ರಾವ್​, ಮಾಹೆ ಸಿಒಒ ಡಾ.ಆನಂದ್​ ವೇಣುಗೋಪಾಲ್​, ಕೆಎಂಸಿ ಡೀನ್​ ಡಾ.ಅನಿಲ್​ ಕೆ. ಭಟ್​, ಎಂಸಿಎಚ್​ಪಿ ಡೀನ್​ ಡಾ.ಅರುಣ್​ ಮಯ್ಯ, ಕಸ್ತೂರ್ಬಾ ಆಸ್ಪತ್ರೆಯ ಸಿಒಒ ಡಾ.ಸುಧಾಕರ ಕಂಟಿಪುಡಿ, ವೈದ್ಯಕೀಯ ಅಧೀಕ್ಷಕ ಡಾ.ಅವಿನಾಶ್​ ಶೆಟ್ಟಿ, ಮಾಹೆಯ ಕಾರ್ಪೊರೇಟ್​ ಸಂಬಂಧಗಳ ನಿರ್ದೇಶಕ ಡಾ.ಹರೀಶಕುಮಾರ್​ ಎಸ್​. ಉಪಸ್ಥಿತರಿದ್ದರು.

ನೇತ್ರವಿಜ್ಞಾನ ವಿಭಾಗದ ಮುಖ್ಯಸ್ಥ ಡಾ. ಯೋಗೀಶ್​ ಕಾಮತ್​ ಸ್ವಾಗತಿಸಿದರು. ನೇತ್ರವಿಜ್ಞಾನ ಪ್ರಾಧ್ಯಾಪಕಿ ಡಾ. ಸುಲತಾ ವಿ. ಭಂಡಾರಿ ದೃಷ್ಟಿ ಚಕ್ರ ಯೋಜನೆಯ ಕುರಿತು ಮಾಹಿತಿ ನೀಡಿದರು. ಆಪ್ಟೋಮೆಟ್ರಿ ವಿಭಾಗದ ಮುಖ್ಯಸ್ಥೆ ಡಾ. ಕೃತಿಕಾ ವಂದಿಸಿದರು.

ಐದು ಜಿಲ್ಲೆಗಳಲ್ಲಿ ಕಾರ್ಯ ನಿರ್ವಹಣೆ