168.12 ಕೋಟಿ ರೂ. ವೆಚ್ಚದಲ್ಲಿ ಕುಡಿಯುವ ನೀರಿನ ಯೋಜನೆ

ವಿಜಯವಾಣಿ ಸುದ್ದಿಜಾಲ ಕಿನ್ನಿಗೋಳಿ

ಬಜ್ಪೆ ಮತ್ತು ಮೂಲ್ಕಿ ಪಟ್ಟಣ ಪಂಚಾಯಿತಿಗೆ 168.12 ಕೋಟಿ ರೂ. ವೆಚ್ಚದಲ್ಲಿ ಕುಡಿಯುವ ನೀರಿನ ಯೋಜನೆ ಕಾರ್ಯರೂಪಕ್ಕೆ ಬರಲಿದೆ. ಭವಿಷ್ಯದ ಯೋಚನೆ, ಯೋಜನೆಯಲ್ಲಿ ಕೇಂದ್ರ ಸರ್ಕಾರದ ಅಮೃತ 2.0 ಯೋಜನೆಯಲ್ಲಿ ಈ ನೀರಿನ ಘಟಕ ಕಾರ್ಯರೂಪಕ್ಕೆ ಬರಲಿದೆ ಎಂದು ಶಾಸಕ ಉಮಾನಾಥ ಕೋಟ್ಯಾನ್​ ಹೇಳಿದರು.

ಕಿನ್ನಿಗೋಳಿ ಪಟ್ಟಣ ಪಂಚಾಯಿತಿಯ ಮೂರು ಕಾವೇರಿ ಬಳಿ ಅಮೃತ 2.0 ಯೋಜನೆಯ ನೀರಿನ ಘಟಕಕ್ಕೆ ಇತ್ತೀಚೆಗೆ ಚಾಲನೆ ನೀಡಿ ಮಾತನಾಡಿದರು.

ಗುರುಪುರ ನದಿಯಲ್ಲಿ ಜಾಕ್​ವೆಲ್​ ನಿರ್ಮಿಸಿ ಅಲ್ಲೇ ಶುದ್ಧೀಕರಣ ಘಟಕ ಸ್ಥಾಪಿಸಿ ಬಜ್ಪೆ, ಕಿನ್ನಿಗೋಳಿ ಮತ್ತು ಮೂಲ್ಕಿಗೆ ನೀರು ಸರಬರಾಜು ಮಾಡಲಾಗುತ್ತದೆ. ಇದಕ್ಕಾಗಿ ಕೆಲವೆಡೆ ಟ್ಯಾಂಕ್​ ನಿರ್ಮಿಸಲಾಗುತ್ತದೆ. ಮುಂದಿನ 30 ವರ್ಷಗಳ ಅವಧಿವರೆಗೆ ನೀರಿನ ಯಾವುದೇ ಕೊರತೆ ಆಗಬಾರದು ಎಂಬ ದೃಷ್ಟಿಯಿಂದ ಈ ಯೋಜನೆ ರೂಪಿಸಲಾಗುತ್ತಿದೆ ಎಂದರು.

ಪ್ರಮುಖರಾದ ಭುವನಾಭಿರಾಮ ಉಡುಪ, ಈಶ್ವರ್​ ಕಟೀಲ್​, ಸತೀಶ್​ ಅಂಚನ್​, ಅಭಿಲಾಷ್​ ಶೆಟ್ಟಿ ಕಟೀಲ್​, ಸರೋಜಿನಿ ಗುಜರನ್​, ಬೇಬಿ ಕೆಮ್ಮಡೆ, ಸಂಜಯ್​ ಮೂರುಕಾವೇರಿ, ತಾರಾನಾಥ ಶೆಟ್ಟಿ, ಶೈಲೇಶ್​ ಮೂಲ್ಕಿ, ಸುಭಾಷ್​ ಶೆಟ್ಟಿ, ಅರುಣ್​ ಮಲ್ಲಿಗೆಯಂಗಡಿ, ಯತೀಶ್​, ರಘುವೀರ್​ ಕಾಮತ್​, ಅಸಿಸ್ಟೆಂಟ್​ ಇಂಜಿನಿಯರ್​ ಶೋಭಾಲಕ್ಷಿ$್ಮ, ಗುತ್ತಿಗೆದಾರ ನಂದ ಮತ್ತಿತರರಿದ್ದರು.

https://www.vijayavani.net/red-cross-camp

https://www.vijayavani.net/love-for-tulu-language-and-culture