ಸಿದ್ದಾಪುರ ವಲಯದಲ್ಲಿ ನಿರ್ಮಿಸಿರುವ ತೊಟ್ಟಿಗಳಲ್ಲಿ 6 ಕಡೆಗಳಲ್ಲಿ ಟ್ರ್ಯಾಕ್ ಕ್ಯಾಮರಾ ಅಳವಡಿಸಲಾಗಿದೆ. ಕೊಲ್ಲೂರು ವಲಯ- 3, ಹೆಬ್ರಿ ಹಾಗೂ ಹಾಗೂ ಆಗುಂಬೆ ವಲಯದಲ್ಲಿ ತಲಾ 4 ಟ್ರ್ಯಾಕ್ ಕ್ಯಾಮರಾ ಅಳವಡಿಸಲಾಗಿದೆ. ನಿರ್ಮಿಸಿರುವ ತೊಟ್ಟಿಗಳಲ್ಲಿ ಇದೀಗ ಚಿರತೆ, ಕಾಡುಕೋಣ, ಕಾಡುಹಂದಿ, ಕಡವೆ, ಜಿಂಕೆ, ಮುಳ್ಳುಹಂದಿ, ನವಿಲು, ಮಂಗ ಮುಂತಾದ ಪ್ರಾಣಿ ಹಾಗೂ ವಿವಿಧ ಪಕ್ಷಿಗಳೂ ಕೂಡ ಸಂತಸದಿಂದ ನೀರು ಕುಡಿಯುತ್ತಿರುವ ದೃಶ್ಯ ಸೆರೆಯಾಗುತ್ತಿದೆ. ಯಾವ ಯಾವ ಪ್ರಾಣಿಗಳು ನೀರು ಕುಡಿಯಲು ಬರುತ್ತಿವೆ ಎನ್ನುವುದನ್ನು ಟ್ರ್ಯಾಕ್ ಕ್ಯಾಮರಾದ ಸಹಾಯದಿಂದ ಅರಣ್ಯಾಧಿಕಾರಿಗಳು ಮಾಹಿತಿ ಸಂಗ್ರಹಿಸುತ್ತಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ತೊಟ್ಟಿ ನಿರ್ಮಿಸುವ ಯೋಜನೆ ಹಾಕಿಕೊಂಡಿದ್ದಾರೆ.
