ರಸ್ತೆಗೆ ಚರಂಡಿ ನೀರು, ಮ್ಯಾನ್‌ಹೋಲ್ ಕಟ್ಟಿಕೊಂಡು ದುರ್ನಾತ, ಗಬ್ಬು ನಾರುತ್ತಿರುವ ಮುಖ್ಯರಸ್ತೆ

ತಾಲೂಕು ವೈದ್ಯಾಧಿಕಾರಿ ಕಚೇರಿ ಬಳಿಯೇ ಮ್ಯಾನ್‌ಹೋಲ್ ಕಿತ್ತುಹೋಗಿ ವಾರಗಳೇ ಕಳೆದಿವೆ. ಈವರೆಗೂ ನಗರಸಭೆ ಅಧಿಕಾರಿಗಳು ಅದನ್ನು ದುರಸ್ತಿ ಮಾಡಲು ಮುಂದಾಗಿಲ್ಲ. ರಸ್ತೆಗಳಲ್ಲಿ ಗುಂಡಿಗಳು ಬಿದ್ದಿದ್ದು, ಓಡಾಡುವುದೇ ದುಸ್ತರವಾಗಿದೆ. ಆ ಗುಂಡಿಗಳಲ್ಲಿ ಚರಂಡಿ ನೀರು ನಿಂತಿದ್ದು, ವಾಹನ ಸಂಚರಿಸಿದಾಗ ಸಿಡಿದು ಜನರು ಅಸಹ್ಯಪಟ್ಟುಕೊಳ್ಳುತ್ತಿದ್ದಾರೆ. ದಿವಾಕರ್, ಸ್ಥಳೀಯ ನಗರಸಭೆ ಅಧಿಕಾರಿಗಳು ರಸ್ತೆಗಳಲ್ಲಿನ ಗುಂಡಿಗಳನ್ನು ಮುಚ್ಚಲು ವಿಫಲರಾಗಿದ್ದಾರೆ. ನಗರದ ಬಹುತೇಕ ಕಡೆ ಮ್ಯಾನ್‌ಹೋಲ್ ಕಿತ್ತುಹೋಗಿದ್ದು ಬಲಿಗಾಗಿ ಬಾಯ್ದೆರೆದಿವೆ. ಅಪಾಯ ಸಂಭವಿಸುವ ಮುನ್ನ ಅಧಿಕಾರಿಗಳು ಎಚ್ಚೆತ್ತುಕೊಳ್ಳಬೇಕಿದೆ. ಶಾಸಕರು, ನಗರಸಭೆ ಅಧಿಕಾರಿಗಳು ಗಾಢನಿದ್ದೆಯಲ್ಲಿ ಇರುವುದರಿಂದ ಜನರ ಸಮಸ್ಯೆ ಅವರಿಗೆ ಕಾಣುತ್ತಿಲ್ಲ. ಎಂ.ಜಿ. ಶ್ರೀನಿವಾಸ್, ನಗರಸಭಾ ಮಾಜಿ ಸದಸ್ಯ ಮ್ಯಾನ್‌ಹೋಲ್ ದುರಸ್ತಿ ವಾಹನ ಕೆಟ್ಟುಹೋಗಿದ್ದ ಕಾರಣ, ಸರಿಪಡಿಸಲಾಗಿಲ್ಲ. ಕೆಲಕಡೆ ಅವನ್ನು ಮುಚ್ಚಲು ಸಾಧ್ಯವಾಗಿಲ್ಲ. ವಾಹನ ದುರಸ್ತಿಯಾದ ಕೂಡಲೇ ಮ್ಯಾನ್‌ಹೋಲ್ ದುರಸ್ತಿ ಮಾಡಿಸಿ, ಮುಚ್ಚಳ ಅಳವಡಿಸಲಾಗುವುದು. ರಮೇಶ್ ಸುಣಗಾರ್, ಪೌರಾಯುಕ್ತ