ವಾಸ್ಕೋದಲ್ಲಿ ಹಳಿ ತಪ್ಪಿದ ಬೋಗಿ

ಹುಬ್ಬಳ್ಳಿ: ವಾಸ್ಕೋ ಡ ಗಾಮಾ ರೈಲು ನಿಲ್ದಾಣದಲ್ಲಿ ಖಾಲಿ ರೈಲು ಬೋಗಿಯೊಂದು ಹಳಿ ತಪ್ಪಿದ ಟನೆ ಬುಧವಾರ ನಡೆದಿದೆ.

ಬೋಗಿ ಹಳಿ ತಪ್ಪಿದ್ದರಿಂದ ಹಲವು ರೈಲುಗಳ ಸಂಚಾರ ಪೂರ್ಣ ಹಾಗೂ ಭಾಗಶಃ ರದ್ದು ಪಡಿಸಲಾಗಿದೆ.

ವಾಸ್ಕೋ ಡ ಗಾಮಾ ಕುಲೆಮ್ ಡೆಮು ಸ್ಪೆಷಲ್ ರೈಲು ಸಂಪೂರ್ಣ ರದ್ದಾಗಿದೆ. ಕುಲೆಮ್& ವಾಸ್ಕೋ ಡ ಗಾಮಾ ರೈಲನ್ನು ಮಡಗಾಂವ ಹಾಗೂ ವಾಸ್ಕೋ ಮಧ್ಯೆ ಭಾಗಶಃ ಸಂಚಾರ ರದ್ದು ಪಡಿಸಲಾಗಿದೆ. ವಾಸ್ಕೋ ಡ ಗಾಮಾ- ಪಾಟ್ನಾ ಎಕ್ಸಪ್ರೆಸ್ ರೈಲಿನ ವೇಳೆಯನ್ನು ಪರಿಷ್ಕರಣೆ ಮಾಡಿ 120 ನಿಮಿಷ ತಡವಾಗಿ ಚಲಿಸಲು ಅನುವು ಮಾಡಿಕೊಡಲಾಯಿತು.

ಹಳಿ ತಪ್ಪಿದ ಪ್ರದೇಶಕ್ಕೆ ಹಿರಿಯ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಬೋಗಿಯನ್ನು ಹಳಿಗೆ ತರುವ ಕಾರ್ಯ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.