ಪವರ್ ಲಿಫ್ಟಿಂಗ್​ನಲ್ಲಿ ಡಾ.ಪ್ರತಿಭಾ ಭಟ್​ಗೆ ಚಿನ್ನದ ಪದಕ

ಕುಮಟಾ: ಕರ್ನಾಟಕ ರಾಜ್ಯ ಪವರ್ ಲಿಫ್ಟಿಂಗ್ ಅಸೋಸಿಯೇಷನ್ ವತಿಯಿಂದ ಮಂಗಳೂರಿನ ಕೆಪಿಟಿಸಿ ಎಂಪ್ಲಾಯೀಸ್ ಸಭಾಭವನದಲ್ಲಿ ಶನಿವಾರ ಆಯೋಜಿಸಿದ್ದ ರಾಜ್ಯ ಮಟ್ಟದ ಮಹಿಳಾ ಮತ್ತು ಪುರುಷರ ಮಾಸ್ಟರ್ಸ್ ಪವರ್ ಲಿಫ್ಟಿಂಗ್ ಸ್ಪರ್ಧೆಯಲ್ಲಿ ಪಟ್ಟಣದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್​ನಲ್ಲಿ ಉಪನ್ಯಾಸಕಿ ಡಾ. ಪ್ರತಿಭಾ ಭಟ್ ಅವರು ಮಾಸ್ಟರ್ಸ್ 1 ಮಹಿಳೆಯರ, 63 ಕೆಜಿ ದೇಹ ತೂಕ ವಿಭಾಗದಲ್ಲಿ ಭಾಗವಹಿಸಿ ಬಂಗಾರದ ಪದಕ ಗೆದ್ದಿದ್ದಾರೆ.

ಪ್ರಭು ಫಿಟ್ನೆಸ್ ಸೆಂಟರ್​ನಲ್ಲಿ ವೆಂಕಟೇಶ್ ಪ್ರಭು ಅವರಿಂದ ತರಬೇತಿ ಪಡೆದಿದ್ದಾರೆ.

ಇವರು ಮಾಸ್ಟರ್ಸ್ ಪವರ್ ಲಿಫ್ಟಿಂಗ್ ಸ್ಪರ್ಧೆಯಲ್ಲಿ ರಾಜ್ಯಮಟ್ಟದಲ್ಲಿ ಬಂಗಾರದ ಪದಕ ಪಡೆದ ಉತ್ತರ ಕನ್ನಡ ಜಿಲ್ಲೆಯ ಪ್ರಥಮ ಮಹಿಳೆ ಎಂದು ತರಬೇತು ನೀಡಿದ ಪ್ರಭು ಫಿಟ್ನೆಸ್ ಸೆಂಟರ್​ನ ತರಬೇತುದಾರ ವೆಂಟಕೇಶ ಪ್ರಭು ತಿಳಿಸಿದ್ದಾರೆ.