ಕಸಬಾ ಹೋಬಳಿಯ ರೆವಿನ್ಯೂ ಗ್ರಾಮದ ಸರ್ವೇ ನಂ.706ಎ 1ರಲ್ಲಿನ 53 ಸೆಂಟ್ ವಿಸ್ತೀರ್ಣ ಭೂಮಿ, ಸರ್ವೇ ನಂ.7032 ರಲ್ಲಿನ 0.11 ಸೆಂಟ್, ಸರ್ವೇ ನಂ 7052 ರಲ್ಲಿನ 0.36 ಸೆಂಟ್, ಸರ್ವೇ ನಂ. 708 ಬಿ 1, ಎ 1ರಲ್ಲಿರುವ 0.16 ಸೆಂಟ್ ಭೂಮಿ ಸೇರಿದಂತೆ ಒಟ್ಟು 1.19 ಎಕರೆ ಭೂಮಿಯನ್ನು ಅಂದಿನ ಮೈಸೂರು ಜಿಲ್ಲಾ ಡೆಪ್ಯುಟಿ ಕಮಿಷನರ್ ಹಾಗೂ ಕೊಳ್ಳೇಗಾಲ ತಹಸೀಲ್ದಾರ್ ಅವರು 1961 ರ ನ.11 ರಂದು ನಮ್ಮ ಸಮಾಜದ ವಿದ್ಯಾರ್ಥಿ ವಸತಿನಿಲಯಕ್ಕಾಗಿ ಮಂಜೂರು ಮಾಡಿಕೊಟ್ಟಿದ್ದಾರೆ. ಇಲ್ಲಿ ವಾಸವಿ ವಿದ್ಯಾ ಕೇಂದ್ರ ನಾಮಾಂಕಿತದೊಡನೆ ಶಾಲೆ ಮತ್ತು ಕಾಲೇಜು ನಿರ್ಮಿಸಿ 40 ವರ್ಷಗಳಿಂದ ನಡೆಸಲಾಗುತ್ತಿದೆ. ಕೊಳ್ಳೇಗಾಲ ನಗರಸಭೆ ಹಾಗೂ ಪುರಸಭೆಯಿಂದ ಕಟ್ಟಡ ಪರವಾನಿಗೆ ಪಡೆದು ಕಟ್ಟಡ ನಿರ್ಮಿಸಲಾಗಿದೆ. ತದನಂತರ ನಗರಸಭೆಯಿಂದ ಇ-ಸ್ವತ್ತನ್ನು ಅಧ್ಯಕ್ಷರ ಹೆಸರಿಗೆ ಮಾಡಿಕೊಡಲಾಗಿದೆ. ಅಂತೆಯೇ ನಗರಸಭೆಯಿಂದಲೂ ದೃಢೀಕರಣ ಪತ್ರ ನೀಡಲಾಗಿದೆ.
