ಜೆ.ಕೆ.ಟಯರ್ಸ್ನ ಉಪಾಧ್ಯಕ್ಷ ಈಶ್ವರ್ರಾವ್ ಮಾತನಾಡಿ, ಡಾ.ಧರ್ಮಪ್ರಸಾದ್ ಅವರು ಬರೆದಿರುವ ಈ ಪುಸ್ತಕ ಇಂದಿನ ಪೀಳಿಗೆಗೆ ಅತ್ಯಂತ ಅವಶ್ಯವಾದುದು. ಈ ಪುಸ್ತಕದಲ್ಲಿ ಇಂತಹ ಏಳು ಕೌಶಲಗಳ ಬಗ್ಗೆ ತಿಳಿಸಲಾಗಿದೆ. ಸೂಕ್ತ ಉದಾಹರಣೆಗಳು, ಸರಳ ಭಾಷೆ ಹಾಗೂ ಉತ್ತಮ ರೀತಿಯ ಬರವಣಿಗೆಯಿಂದ ಈ ಪುಸ್ತಕ ಎಲ್ಲರಿಗೂ ಉಪಯೋಗವಾಗುತ್ತದೆ. ಇಂದಿನ ದಿನಗಳಲ್ಲಿ ಅತ್ಯಂತ ಮುಖ್ಯವಾಗಿ ಬೇಕಾಗುವ ಡಿಜಿಟಲ್ ಲಿಟರಸಿ ಸ್ಕಿಲ್ (ತಾಂತ್ರಿಕ ಸಾಕ್ಷರತೆ), ಭಾವನಾತ್ಮಕ ಬುದ್ಧಿವಂತಿಕೆ, ನಾಯಕತ್ವ ಕೌಶಲದಂತಹ ಅತ್ಯಂತ ವಾಸ್ತವಿಕ ಹಾಗೂ ಅವಶ್ಯ ಕೌಶಲಗಳ ಪ್ರಾಮುಖ್ಯತೆಯನ್ನು ಕಥೆಗಳ ಮೂಲಕ ತಿಳಿಸಿಕೊಡುವ, ವಿದ್ಯಾರ್ಥಿಗಳಿಗೆ ಬಹಳ ಸಹಾಯವಾಗುವ ರೀತಿಯ ಪುಸ್ತಕವನ್ನು ಬರೆದಿದ್ದಾರೆ. ಇದು ಇಂದಿನ ವಿದ್ಯಾರ್ಥಿಗಳು ಓದಲೇಬೇಕಾದ ಪುಸ್ತಕ ಎಂದು ಹೇಳಿದರು.
