ದಿಗ್ವಿಜಯ 247 ನ್ಯೂಸ್ನಲ್ಲಿ ನಡೆದ ಫೋನ್ ಇನ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ವಿದ್ಯಾರ್ಥಿಗಳ ಭವಿಷ್ಯದ ದೃಷ್ಟಿಯಿಂದ ಶಾಲಾ-ಕಾಲೇಜು ಆರಂಭಿಸಬೇಕಾದ ಅನಿವಾರ್ಯತೆ ಇದ್ದು, ಜ.1ರಿಂದ ಎಸ್ಸೆಸ್ಸೆಲ್ಸಿ ಮತ್ತು ದ್ವಿತೀಯ ಪಿಯು ತರಗತಿಗಳನ್ನು ಆರಂಭಿಸುತ್ತೇವೆ. ಶಾಲಾ-ಕಾಲೇಜು ಆರಂಭಿಸುವುದು ಪ್ರತಿಷ್ಠೆ ಅಲ್ಲ. ಇದೊಂದು ಬದ್ಧತೆ. ಪಾಲಕರು ಮಕ್ಕಳ ಮೇಲೆ ಜವಾಬ್ದಾರಿವಹಿಸಬೇಕು. ಮಾಸ್ಕ್, ಸ್ಯಾನಿಟೈಸರ್, ಸಾಮಾಜಿಕ ಅಂತರದ ಬಗ್ಗೆ ಅರಿವು ಮೂಡಿಸಬೇಕು. ಒಂದು ವೇಳೆ ರೂಪಾಂತರಿ ವೈರಸ್ ಅತಿ ಹೆಚ್ಚು ಪರಿಣಾಮ ಬೀರಿ ಕರೊನಾ ಟೆಕ್ನಿಕಲ್ ಟಾಸ್ಕ್ ಪೋರ್ಸ್, ಸಲಹಾ ಸಮಿತಿ ವರದಿ ಏನು ಹೇಳುತ್ತದೆ ಎಂಬ ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳುತ್ತೇವೆ ಎಂದರು.
