ಭಜನಾ ಮಂದಿರಕ್ಕೆ ರಾಮಚಂದ್ರಾಪುರ ಮಠದ ಧನಸಹಾಯ

ಬದಿಯಡ್ಕ: ಶ್ರೀರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತಿ ಮಹಾಸ್ವಾಮಿ ಇತ್ತೀಚೆಗೆ ಅಗಲ್ಪಾಡಿ ಮಾರ್ಪನಡ್ಕ ಶ್ರೀ ಗೋಪಾಲಕೃಷ್ಣ ಭಜನಾ ಮಂದಿರಕ್ಕೆ ಆಗಮಿಸಿದ ಸಂದರ್ಭ ನೂತನವಾಗಿ ನಿರ್ಮಿಸುವ ಮುಖಮಂಟಪದ ನಿಧಿ ಸಂಗ್ರಹಕ್ಕೆ ಚಾಲನೆ ನೀಡಿ, ಸುವರ್ಣ ಮಂತ್ರಾಕ್ಷತೆ ರೂಪದಲ್ಲಿ ಐವತ್ತು ಸಾವಿರ ರೂ. ದೇಣಿಗೆ ನೀಡುವುದಾಗಿ ತಿಳಿಸಿದ್ದರು. ಭಾನುವಾರ ಮಠದ ಪ್ರತಿನಿಧಿಗಳು ಧನಸಹಾಯ ಹಸ್ತಾಂತರ ಮಾಡಿದರು.

ಅಧ್ಯಕ್ಷ ಬಾಬು ಮಾಸ್ತರ್ ಅಗಲ್ಪಾಡಿ ಅಧ್ಯಕ್ಷತೆ ವಹಿಸಿದ್ದರು. ಶ್ರೀರಾಮಚಂದ್ರಾಪುರ ಮಠದ ಮಂಗಳೂರು ಪ್ರಾಂತ ಅಧ್ಯಕ್ಷ ಬಾಲಸುಬ್ರಹ್ಮಣ್ಯ ಸರ್ಪಮಲೆ, ಮಹಾಮಂಡಲ ಮಾತೃತ್ವಂ ಪ್ರಧಾನರಾದ ಈಶ್ವರಿ ಬೇರ್ಕಡವು, ಮುಳ್ಳೇರಿಯ ಮಂಡಲ ಕಾರ್ಯದರ್ಶಿ ಸುರೇಶ್ ಕೆರೆಮೂಲೆ, ಪ್ರಮುಖರಾದ ಕುಸುಮ ಪೆರ್ಮುಖ, ಶ್ಯಾಮ ಭಟ್ ಬೇರ್ಕಡವು, ವೆಂಕಟ್ರಮಣ ಭಟ್ ಉಪ್ಪಂಗಳ, ಉದಯಕುಮಾರ್ ಕೋಳಿಕ್ಕಜೆ, ಪರಮೇಶ್ವರ ಭಟ್ ಪೆರುಮುಂಡ, ನಾರಾಯಣ ಮೂರ್ತಿ ಗುಣಾಜೆ, ಶ್ರೀಮಂದಿರದ ಗೌರವಾಧ್ಯಕ್ಷ ಬಾಬು ಮಣಿಯಾಣಿ ಜಯನಗರ, ಅಗಲ್ಪಾಡಿ ಯಾದವ ಸಭಾ ಅಧ್ಯಕ್ಷ ಸುಧಾಮ ಪದ್ಮಾರು ಪಾಲ್ಗೊಂಡಿದ್ದರು.

ಕಾರ್ಯದರ್ಶಿ ರಮೇಶ್ ಕೃಷ್ಣ ಪದ್ಮಾರು ಸ್ವಾಗತಿಸಿದರು. ಯುವವಿಭಾಗದ ಪ್ರಧಾನ ಕಾರ್ಯದರ್ಶಿ ರಾಜೇಶ್ ಮಾಸ್ತರ್ ಅಗಲ್ಪಾಡಿ ವಂದಿಸಿದರು. ಶ್ರೀಮಂದಿರದಿಂದ ದೇವರ ಪ್ರಸಾದವನ್ನು ಪದಾಧಿಕಾರಿಗಳಿಗೆ ನೀಡಲಾಯಿತು.

https://www.vijayavani.net/helping-to-increase-the-knowledge-of-children

https://www.vijayavani.net/pressmeet-45