ರೇಬಿಸ್ ಪ್ರಕರಣ ವರದಿಯಾಗಿಲ್ಲ: ಜಿಲ್ಲೆಯಲ್ಲಿ ನಾಯಿ ಕಡಿತ ಪ್ರಕರಣಗಳು ಹೆಚ್ಚಿದ್ದರೂ ಕಳೆದ ಆರೇಳು ತಿಂಗಳ ಅವಧಿಯಲ್ಲಿ ಜಿಲ್ಲೆಯಲ್ಲಿ ಎಲ್ಲಿಯೂ ರೇಬಿಸ್ ಪ್ರಕರಣ ಪತ್ತೆಯಾಗಿಲ್ಲ. ರೇಬಿಸ್ ಲಸಿಕೆ ಎನ್ನುವುದು ರೇಬಿಸ್ ಸೋಂಕನ್ನು ತಡೆಗಟ್ಟಲು ಬಳಸುವ ಒಂದು ಲಸಿಕೆಯಾಗಿದೆ. ರೇಬಿಸ್ ಸಾಮಾನ್ಯವಾಗಿ ಪ್ರಾಣಿಗಳಿಂದ ಹರಡುವ ಕಾಯಿಲೆಯಾಗಿದ್ದು, ಪ್ರಾಣಿಗಳು ಕಚ್ಚಿದರೆ ಮನುಷ್ಯರಿಗೆ ರೇಬಿಸ್ ಬರಬಹುದು. ರೇಬಿಸ್ ಲಸಿಕೆ ಜಿಲ್ಲೆಯ ಎಲ್ಲ ಸರ್ಕಾರಿ ಆಸ್ಪತ್ರೆಗಳಲ್ಲಿ ಲಭ್ಯವಿದೆ ಎಂದು ಜಿಲ್ಲಾ ಆರೋಗ್ಯ ಇಲಾಖೆ ಅಧಿಕಾರಿಗಳು ಖಚಿತಪಡಿಸಿದ್ದಾರೆ. ಯಾವುದೇ ಬೀದಿ ನಾಯಿ ಕಡಿತ ಪ್ರಕರಣ ಕಂಡುಬಂದರೂ ತಕ್ಷಣ ವ್ಯಕ್ತಿಗಳು ಆಸ್ಪತ್ರೆಗೆ ಭೇಟಿ ನೀಡಿ ವೈದ್ಯರಿಂದ ತಪಾಸಣೆಗೊಳಪಡಬೇಕು ಎಂದು ಆರೋಗ್ಯಾಧಿಕಾರಿಗಳು ಮನವಿ ಮಾಡಿದ್ದಾರೆ. ನಾಯಿ ಕಡಿತದಿಂದ ಉಂಟಾಗುವ ಪ್ರತಿ ಸಾವಿನ ಬಗ್ಗೆಯೂ ಅಧಿಕಾರಿಗಳು ಪರಿಶೋಧಿಸಬೇಕೆಂದು ಆದೇಶವಿದೆ. ಇದರಲ್ಲಿ ರೋಗಿಯು ಚಿಕಿತ್ಸೆ ಪಡೆಯಲು ವಿಳಂಬ ವಾಡಿದ್ದಾರೆಯೇ, ಆರೈಕೆಯಲ್ಲಿ ಅಂತರಗಳಿವೆಯೇ ಮತ್ತು ಸೋಂಕಿತ ನಾಯಿಯನ್ನು ಗುರುತಿಸಿ ವ್ಯವಹರಿಸಲಾಗಿದೆಯೇ ಸೇರಿ ಹಲವು ವಿಚಾರಗಳು ಒಳಗೊಳ್ಳುತ್ತದೆ ಎಂದು ಆರೋಗ್ಯ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.
