ವೈದ್ಯನ ಮೇಲೆ ಹಲ್ಲೆ ಮಾಡಿದ 11 ಆರೋಪಿಗಳು ಅಂದರ್​

ರಾಣೆಬೆನ್ನೂರ: ಮುಸ್ಲಿಂ ಬಗ್ಗೆ ಅವಹೇಳನವಾಗಿ ಮಾತನಾಡಿದ್ದಾನೆ ಎಂದು ಆರೋಪಿಸಿ ವೈದ್ಯನ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ 11 ಜನ ಆರೋಪಿಗಳನ್ನು ಬಂಧಿಸುವಲ್ಲಿ ಇಲ್ಲಿಯ ಶಹರ ಠಾಣೆ ಪಿಎಸ್​ಐ ಗಡ್ಡೆಪ್ಪ ಗುಂಜುಟಗಿ ನೇತೃತ್ವದ ತಂಡ ಯಶಸ್ವಿಯಾಗಿದೆ.

ನಗರದ ಮಕ್ಸೂದ್​ ಖಲೀಲಅಹ್ಮದ್​ ಮೊಮೀನ್​ (35), ಸೈಯದ್​ಅಹ್ಮದ್​ ಸೈಯದ್​ಗೌಸಪೀರ ಮಕಾಂದರ (42), ಸಾಯಿದಖಾನ ಖರೀಮಖಾನ ಹೊನ್ನಾಳಿ (28), ಜಾರಸಾಧೀಕ ಗುಲ್ಜರಸಾಬ ಕಿಲ್ಲೇದಾರ (40), ಅಬ್ದುಲ್​ಮೊನಾ ಖಲೀಲಅಹ್ಮದ್​ ಮೊಮೀನ್​ (40), ಅಶ್ಫಕ ಶಂಶುದ್ಧಿನ ಮುಲ್ಲಾ (33), ರಫೀಕ ಶಂಶುದ್ಧಿನ ಮುಲ್ಲಾ (25), ಅಬ್ದುಲಜಾರ ಜಮಾಲವುದ್ದಿನ ಹರಪನಹಳ್ಳಿ (35), ಮೋಹಿದಖಾಜಾ ರಫೀಕ್​ ದಾವಣಗೆರೆ (37), ಮದ್ದಶಿರಾ ಮುಸ್ತಾ ಬಂಕಾಪುರ (22), ಅಸ್ಲಾಂಅಹ್ಮದ್​ ಮುಸ್ತಾಕ ಅಹ್ಮದ್​ ಧರಾಣಾ (29) ಸೇರಿ 11 ಜನ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಇವರು ಸೆ. 20ರಂದು ರಾತ್ರಿ ನಗರದ ವೈದ್ಯ ಡಾ. ಗುರುಮೂತಿರ್ಯ್ಯ ರಾಚೋಟಿಮಠ ಎಂಬುವರು ಮುಸ್ಲಿಂ ಸಮಾಜದ ಬಗ್ಗೆ ಅವಹೇಳನವಾಗಿ ಮಾತನಾಡಿದ್ದಾರೆ ಎಂದು ಆರೋಪಿಸಿ ಕ್ಲಿನಿಕ್​ಗೆ ನುಗ್ಗಿ ವೈದ್ಯನ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ್ದರು. ಅಲ್ಲದೆ ಕ್ಲಿನಿಕ್​ ಮುಂದಿದ್ದ ಬೈಕ್​ಅನ್ನು ಎತ್ತಿ ಒಗೆದು ಜಖಂಗೊಳಿಸಿದ್ದರು.

ಈ ಕುರಿತು ವೈದ್ಯ ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಶಹರ ಠಾಣೆ ಪಿಎಸ್​ಐ ಗಡ್ಡೆಪ್ಪ ಗುಂಜುಟಗಿ, ಎಸ್ಪಿ ಹಾಗೂ ಡಿವೈಎಸ್ಪಿ ಮಾರ್ಗದರ್ಶನದಲ್ಲಿ ಎಲ್ಲ ಆರೋಪಿಗಳನ್ನು ಬಂಧಿಸಿ ನ್ಯಾಯಾಂಗ ವಶಕ್ಕೆ ನೀಡಿದ್ದಾರೆ. ಆರೋಪಿಗಳ ವಿರುದ್ಧ ಶಹರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.