ಶಂಶುದ್ದೀನ್​ಗೆ ರಾಷ್ಟ್ರಪತಿ ಪದಕ

ಕೊಪ್ಪಳ: ನಗರದ ಎಸ್ಪಿ ಕಚೇರಿ ಗಣಕಯಂತ್ರ ವಿಭಾಗದ ನಿರ್ವಾಹಕರಾಗಿರುವ ಹೆಡ್​ಕಾನಿಸ್ಟೇಬಲ್​ ಶಂಶುದ್ದೀನ್​ ಅವರಿಗೆ 2025ನೇ ಸ್ವಾತಂತ್ರ$್ಯ ದಿನದ ಅಂಗವಾಗಿ ರಾಷ್ಟ್ರಪತಿ ಪದಕ ಲಭಿಸಿದೆ.

ನಿವೃತ್ತ ಪಿಎಸ್​ಐ ಮಹಮ್ಮದ್​ ಫಕೀರುದ್ದೀನ್​ ಹಾಗೂ ಪ್ಯಾರಿ ಬೇಗಂ ದಂಪತಿ ಪುತ್ರರಾಗಿದ್ದು, ಕಳೆದ 26 ವರ್ಷದಿಂದ ಸೇವೆ ಸಲ್ಲಿಸುತ್ತಿದ್ದಾರೆ. ಪೊಲೀಸ್​ ಇಲಾಖೆ ರೂಪಿಸುವ ಸಾಫ್ಟ್​ವೇರ್​ಗಳನ್ನು ಜಿಲ್ಲಾ ಮಟ್ಟದಲ್ಲಿ ಜಾರಿ ಮಾಡುವುದು, ಸಿಬ್ಬಂದಿಗೆ ತರಬೇತಿ, ಪೊಲೀಸ್​ ಠಾಣೆಗಳಲ್ಲಿನ ಕಂಪ್ಯೂಟರ್​ ತಾಂತ್ರಿಕ ಸಮಸ್ಯೆಗಳ ಪರಿಹಾರ ಕೆಲಸದಲ್ಲಿ ನಿರತರಾಗಿದ್ದಾರೆ. ಇವರಿಗೆ 2019ರಲ್ಲಿ ಮುಖ್ಯಮಂತ್ರಿಗಳ ಪುರಸ್ಕಾರ ಲಭಿಸಿರುವುದು ವಿಶೇಷ.