ರಸ್ತೆ ಸುರಕ್ಷತೆಗೆ ಕ್ರಮವಹಿಸಿ, ಡಿಸಿ ನಲಿನ್​ ಅತುಲ್​ ಸೂಚನೆ

ಕೊಪ್ಪಳ: ರಸ್ತೆ ಸುರಕ್ಷತೆಗೆ ಕೈಗೊಂಡ ರ್ನಿಣಯಗಳನ್ನು ಸಂಬಂಧಿಸಿದ ಅಧಿಕಾರಿಗಳು ಪಾಲಿಸುವಂತೆ ಜಿಲ್ಲಾಧಿಕಾರಿ ನಲಿನ್​ ಅತುಲ್​ ಸೂಚಿಸಿದರು.

ನಗರದ ಡಿಸಿ ಕಚೇರಿ ಸಭಾಂಗಣದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಜಿಲ್ಲಾ ರಸ್ತೆ ಸುರಕ್ಷತಾ ಸಮಿತಿ ಸಭೆಯ ಅಧ್ಯಕ್ಷತೆವಹಿಸಿ ಮಾತನಾಡಿದರು.

ರಸ್ತೆ ಸುರಕ್ಷತೆಗೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್​ ನಿರ್ದೇಶನಗಳನ್ನು ಹೊರಡಿಸಿದೆ. ಸಂಬಂಧಿಸಿದ ಅಧಿಕಾರಿಗಳು ಅವುಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು. ಇಲ್ಲದಿದ್ದರೆ ನ್ಯಾಯಾಂಗ ಆದೇಶ ಉಲ್ಲಂನೆಯಾಗಲಿದೆ. ಅಧಿಕಾರಿಗಳು ಈ ಬಗ್ಗೆ ಎಚ್ಚರವಹಿಸಿ. ರಸ್ತೆಗಳಲ್ಲಿ ಬ್ಲಾ$್ಯಕ್​ ಸ್ಪಾಟ್​ಗಳನ್ನು ಸರಿಪಡಿಸಿ. ವಿದ್ಯುತ್​, ಸಿಸಿಟಿವಿ ಕ್ಯಾಮೆರಾ, ಸೈನೇಜ್​ ಅಗತ್ಯ ಇರುವಲ್ಲಿ ಅಳವಡಿಸಿ. ನಿಯಮಿತವಾಗಿ ಸಮಿತಿ ಸಭೆ ನಡೆಸಿ. ಸುರಾ ಚಿಹ್ನೆಗಳನ್ನು ಅಳವಡಿಸಿ.

ಜನರಿಗೆ ಅರಿವು ಮೂಡಿಸಿ. ಅತಿ ಭಾರದ ವಾಹನಗಳ ಓಡಾಟದಿಂದ ರಸ್ತೆ ಹಾಳಾಗುತ್ತದೆ. ಮರಳು ಟಿಪ್ಪರ್​ಗಳ ಓಡಾಟದಿಂದ ರಸ್ತೆಗಳು ಹಾಳಾಗುತ್ತಿದ್ದರೂ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು ಏನು ಮಾಡುತ್ತಿದ್ದೀರಿ ಎಂದು ಪ್ರಶ್ನಿಸಿದರು. ನಗರದಲ್ಲಿ ುಟ್​ಪಾತ್​ ತೆರವು ಮಾಡಿ. ವ್ಯಾಪಾರಿಗಳಿಗೆ ಜಾಗ ಗುರುತಿಸಿ ನೀಡಿ. ವೇಗದ ಚಾಲನೆ, ಮದ್ಯಪಾನ ಮಾಡಿ ವಾಹನ ಚಲಾಯಿಸುವವರ ಮೇಲೆ ಪ್ರಕರಣ ದಾಖಲಿಸಲು ತಾಕೀತು ಮಾಡಿದರು.

ಎಸ್ಪಿ ಡಾ.ರಾಮ್​ ಎಲ್​.ಅರಸಿದ್ದಿ ಮಾತನಾಡಿ, ಟೋಲ್​ಗಳಲ್ಲಿ ಬೈಕ್​ ಓಡಾಡುವ ರಸ್ತೆ ಕಡೆ ಸಿಸಿಟಿವಿ ಕ್ಯಾಮೆರಾ ಅಳವಡಿಸಿಲ್ಲ. ರಸ್ತೆಗಳಲ್ಲಿ ಎಷ್ಟು ಗುಂಡಿಗಳಿವೆ ? ಸುಮ್ಮನೆ ಸಭೆಗೆ ಬರಬಾರದು. ನಿಖರ ಮಾಹಿತಿಯೊಂದಿಗೆ ಸಭೆಗೆ ಆಗಮಿಸಿ. ಮುನಿರಾಬಾದ್​ ಗ್ರಾಮದೊಳಗೆ ಬಸ್​ ಹೋಗುತ್ತಿಲ್ಲ ಯಾಕೆ ? ಚಾಲಕರಿಗೆ ಸೂಚಿಸಿ. ಮಾತು ಕೇಳದಿದ್ದರೆ ಕ್ರಮ ಜರುಗಿಸುವಂತೆ ಸಾರಿಗೆ ಅಧಿಕಾರಿಗಳಿಗೆ ಸೂಚಿಸಿದರು.

ರಸ್ತೆ ಸುರಕ್ಷತಾ ಮಾಸಾಚರಣೆ ಪೋಸ್ಟರ್​ ಬಿಡುಗಡೆ ಮಾಡಲಾಯಿತು. ಪಿಡಬ್ಲೂಡಿ ಇಇ ಪಿ.ಹೇಮಂತರಾಜ, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಹೊಸಪೇಟೆ ಸೈಟ್​ ಇಂಜಿನಿಯರ್​ ದಾನೇಶ್ವರ್​, ಆರ್​ಟಿಒ ಲಕ್ಷಿ$್ಮಕಾಂತ ನಾಲವಾರ, ನಗರಸಭೆ ಪೌರಾಯುಕ್ತ ಗಣಪತಿ ಪಾಟೀಲ್​, ಜಿಲ್ಲಾ ಸರ್ವೇಕ್ಷಣಾಧಿಕಾರಿ ಡಾ.ನಂದಕುಮಾರ್​, ಕೆಕೆಆರ್​ಟಿಸಿ ಡಿಸಿ ರಾಜೇಂದ್ರ ಜಾಧವ್​ ಇತರರಿದ್ದರು.