ಪೂರ್ವ ಮುಂಗಾರು ಮಳೆಗಳು ಉತ್ತಮವಾಗಿದ್ದು, ಮುಂಗಾರು ಉತ್ತಮ ಆರಂಭ ಲಕ್ಷಣ ಮೂಡಿಸಿದೆ. ಭಾನುವಾರ ಬಹುತೇಕ ಕಡೆ ವರುಣ ಅಬ್ಬರಿಸಿದ್ದಾನೆ. ಜಮೀನುಗಳೆಲ್ಲ ಜಲಾವೃತವಾಗಿವೆ. ಇದರಿಂದ ಬಿತ್ತನೆ ಕಾರ್ಯಕ್ಕೆ ಅನುಕೂಲವಾಗಲಿದೆ. ಗ್ರಾಮೀಣ ಭಾಗದಲ್ಲಿ ಹಳ್ಳ, ನಾಲೆಗಳು ನೀರು ಕಾಣುವಂತಾಗಿದೆ. ಮುದ್ದಾಬಳ್ಳಿ ಹಳ್ಳ ತುಂಬಿ ಹರಿದಿದೆ. ಕೊಪ್ಪಳದ ಹಿರೇಹಳ್ಳಕ್ಕೂ ನೀರು ಹೆಚ್ಚಿದೆ. ಕೊಪ್ಪಳ ನಗರದ ಗಣೇಶ ನಗರ ಸೇರಿ ಇತರ ತಗ್ಗು ಪ್ರದೇಶಗಳಲ್ಲಿ ಮನೆಗಳಿಗೆ ನೀರು ನುಗ್ಗಿದೆ. ಚರಂಡಿಗಳು ಭರ್ತಿಯಾಗಿ ಹೆಚ್ಚುವರಿ ನೀರು ರಸ್ತೆ ಹಾಗೂ ಖಾಲಿ ಬಡಾವಣೆಗಳಲ್ಲಿ ಹರಿದಿದೆ. ಕೆಲ ಮನೆಗಳಿಗೆ ನೀರು ಹೊಕ್ಕಿದ್ದು, ನಿವಾಸಿಗಳು ನೀರು ಹೊರಹಾಕುವಂತಾಯಿತು.
