ಸೇನಾ ಕಾರ್ಯಕ್ಕೆ ಜನರ ಸೆಲ್ಯೂಟ್​, ಪಟಾಕಿ ಸಿಡಿಸಿ ಸಂಭ್ರಮಿಸಿದ ಜನ

ಕೊಪ್ಪಳ: ಉಗ್ರ ದಾಳಿಗೆ ಪ್ರತ್ಯುತ್ತರವಾಗಿ ಭಾರತೀಯ ಸೇನೆ ಮಂಗಳವಾರ ತಡರಾತ್ರಿ ನಡೆಸಿದ ಆಪರೇಷನ್​ ಸಿಂದೂರ ಹೆಸರಿನ ಸೇನಾ ಕಾರ್ಯಾಚರಣೆಗೆ ಜಿಲ್ಲೆಯ ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಭಾಗ್ಯನರದಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಿಸಿದರು. ಜನ ಪ್ರತಿನಿಧಿಗಳು ಪ್ರತಿಕ್ರಿಯಿಸಿದ್ದು ಸೇನಾ ಕಾರ್ಯಕ್ಕೆ ಮೆಚ್ಚುಗೆ ಹಾಗೂ ಬೆಂಬಲ ಸೂಚಿಸಿದ್ದಾರೆ.

ಭಾಗ್ಯನರಗದ ಡಾ.ಬಿ.ಆರ್​.ಅಂಬೇಡ್ಕರ್​ ವೃತ್ತದಲ್ಲಿ ಸಂಭ್ರಮ ಆಚರಿಸಲಾಯಿತು. ಪಪಂ ಸದಸ್ಯರಾದ ಪರಶುರಾಮ ನಾಯಕ, ಜಗದೀಶ ಮಾಲಗಿತ್ತಿ, ಡಾ.ಕೊಟ್ರೇಶ ಶೆಡ್ಮಿ, ಪ್ರಮುಖರಾದ ಸುರೇಶ ಡೊಣ್ಣಿ, ಏಕನಾಥ ಬಾವಿಕಟ್ಟಿ, ಕೊಟ್ರೇಶ್​ ಕವಲೂರು, ಸುರೇಶ್​ ಪೆದ್ದಿ, ಸುರೇಶ್​ ದರಗದಕಟ್ಟಿ, ಜೀತು ಗಾಲ ಪ್ರೇಮನಾಥ, ಗಿರೀಶ ಪಾನಂಟಿ ಇತರರಿದ್ದರು.

ಪಾರಾಯಣ ಇಂದು

ಪಾಕ್​ ವಿರುದ್ಧ ಭಾರತ ಸಮರ ಸಾರಿದ್ದು ಉಗ್ರರ ನೆಲೆ ದ್ವಂಸ ಮಾಡಿದೆ. ಈ ಹಿನ್ನೆಲೆಯಲ್ಲಿ ನಗರದ ಶ್ರೀಕೃಷ್ಣ ದೇವಾಲಯದಲ್ಲಿ ವೀರ ಯೋಧರು ಮತ್ತು ದೇಶದ ಒಳಿತಿಗಾಗಿ ಶತ್ರು ಸಂಹಾರ ಯಾಗ ಇಂದು ಸಂಜೆ 6 ರಿಂದ 7ಗಂಟೆವರೆಗೆ ಸಾಮೂಹಿಕ ಶ್ರೀ ಮೃತ್ಯುಂಜಯ ಜಪ ಹಾಗೂ ಶ್ರೀ ಹನುಮಾನ ಚಾಲಿಸ ಜಪ ಪಠಣ ಕಾರ್ಯಕ್ರಮ ನಡೆಯಿತು.