ಎಲೆಕ್ಟ್ರಿಕ್ ವಾಹನ ಕಂಪನಿಗೆ ದಂಡ

ಕೊಪ್ಪಳ: ಎಲೆಕ್ಟ್ರಿಕ್ ಬೈಕ್​ ನೀಡಲು ಸೇವಾ ನೂನ್ಯತೆ ಎಸಗಿದ ಓಲಾ ಎಲೆಕ್ಟಿಕ್​ ವಾಹನ ಮಾರಾಟಗಾರರಿಗೆ ದಂಡ ವಿಧಿಸಿ ಜಿಲಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ಆದೇಶಿಸಿದೆ.

ಗಂಗಾವತಿಯ ಶ್ರೀಕಾಂತ ತಂದೆ ಬಸವನಗೌಡ ಎಂಬುವವರು ಗಂಗಾವತಿಯ ರಾಯಚೂರು ರಸ್ತೆಯ ಪ್ರಶಾಂತ ನಗರದಲ್ಲಿರುವ ಓಲಾ ಎಲೆಕ್ಟಿಕ್​ ವಾಹನ ಮಾರಾಟಗಾರರಿಂದ ಓಲಾ ಎಲೆಕ್ರಿಕ್​ ವಾಹನ ಖರೀದಿಸಿದ್ದಾರೆ. 2024ರ ಜೂನ್​ 23ರಂದು 19,499ರೂ. ಮುಂಗಡ ನೀಡಿದ್ದಾರೆ. ಐಡಿಎ್​ಸಿ ಸ್ಟ್​ ಬ್ಯಾಂಕ್​ನಲ್ಲಿ 85 ಸಾವಿರ ರೂ. ಸಾಲ ಮಾಡಿ ನೀಡಿದ್ದು, ವಾಹನ ನೋಂದಣಿಗೆ 8,519ರೂ., ಕಾಯ್ದಿರಿಸಲು 2 ಸಾವಿರ ರೂ. ಪಾವತಿಸಿದ್ದಾರೆ. 2024ರ ಜುಲೈ 5ರಂದು ವಾಹನ ನೋಂದಣಿಗೆ ಕಳಿಸಿದ್ದಾಗಿ ಕಂಪನಿ ತಿಳಿಸಿದೆ. 2024ರ ಜುಲೈ 26ರಂದು ಕೆಎ37, ಇಎಸ್​2399 ನೋಂದಣಿ ಸಂಖ್ಯೆ ನೀಡಲಾಗಿದೆ. ಆದರೆ, ಬೈಕ್​ ನೀಡಿಲ್ಲ.

ಎಲ್ಲ ಹಣ ಕಟ್ಟಿಸಿಕೊಂಡರೂ ಬೈಕ್​ ನೀಡದ್ದನ್ನು ಖಂಡಿಸಿ ಶ್ರೀಕಾಂತ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗಕ್ಕೆ ದೂರು ನೀಡಿದ್ದಾರೆ. ಆಯೋಗ ಎದುರಾದರರಿಗೆ ನೋಟಿಸ್​ ನೀಡಿದರೂ ವಿಚಾರಣೆಗೆ ಹಾಜರಾಗಿಲ್ಲ. ಇನ್ನೋರ್ವ ಎದುರಾರ ವಕೀಲರ ಮೂಲಕವೇ ಉತ್ತರ ಕೊಡಿಸಿದ್ದಾರೆ. ವಿಚಾರಣೆಗೆ ಹಾಜರಾಗದೆ ಸರಿಯಾದ ಪ್ರತಿವಾದ ಮಂಡಿಸಿಲ್ಲ. ಎಲ್ಲವನ್ನೂ ಪರಿಶೀಲಿಸಿದ ಆಯೋಗ ಅಧ್ಯಕ್ಷ ಜಿ.ಇ.ಸೌಭಾಗ್ಯಲಕ್ಷಿ$್ಮ, ಸದಸ್ಯರಾಜು ಎನ್​.ಮೇತ್ರಿ ಪ್ರತಿವಾದಿಗಳು ಅನುಚಿತ ವ್ಯಾಪಾರ ಪದ್ಧತಿ ಅನುಸರಿಸಿದ್ದಾರೆಂದು ತಿಳಿಸಿದ್ದಾರೆ. ಬೈಕ್​ ಖರೀದಿ ಮೊತ್ತ 1,10,680 ರೂ. ದೂರಿನ ದಿನಾಂಕದಿಂದ ಪಾವತಿಯಾಗುವವರೆಗೆ ವಾರ್ಷಿಕ ಶೇ. 6ರ ಬಡ್ಡಿ ಸಹಿತ ಹಾಗೂ ಮಾನಸಿಕ ಯಾತನೆಗೆ 10,000 ರೂ., ದೂರಿನ ಖರ್ಚು 5,000ರೂ. 45ದಿನದೊಳಗೆ ಪಾವತಿಸುವಂತೆ ಕಂಪನಿಗೆ ಆದೇಶಿಸಿದ್ದಾರೆ. ಬೈಕ್​ ನೋಂದಣಿ ದಾಖಲೆಗಳನ್ನು ದೂರುದಾರನಿಗೆ ನೀಡಲು ಸೂಚಿಸಿದ್ದಾರೆ.