ಟಿಬಿ ಡ್ಯಾಂ ಕ್ರಸ್ಟ್​ ಗೇಟ್​ ಬದಲಾಯಿಸಿ : ರಾಜಶೇಖರ ಹಿಟ್ನಾಳ

ಕೊಪ್ಪಳ: ತುಂಗಭದ್ರಾ ಜಲಾಶಯದ 33 ಕ್ರಸ್ಟ್​ ಗೇಟ್​ ಬದಲಾವಣೆ ಮಾಡುವಂತೆ ಒತ್ತಾಯಿಸಿ ಸಂಸದ ರಾಜಶೇಖರ ಹಿಟ್ನಾಳ ಕೇಂದ್ರ ಜಲ ಆಯೋಗ ಅಧ್ಯಕ್ಷ ರಾಕೇಶ್​ಗೆ ಸಿಂಗ್​ಗೆ ಬುಧವಾರ ದೆಹಲಿಯಲ್ಲಿ ಮನವಿ ಸಲ್ಲಿಸಿದರು.

ಜಲಾಶಯ ಅಂತಾರಾಜ್ಯ ಯೋಜನೆ. ಕರ್ನಾಟಕ, ಆಂಧ್ರ ಮತ್ತು ತೆಲಂಗಾಣ ರಾಜ್ಯಗಳಿಗೆ ನೀರಾವರಿ ಸೌಲಭ್ಯ ಕಲ್ಪಿಸಿದೆ. 1949ರಲ್ಲಿ ಆರಂಭವಾಗಿ 1953ರಲ್ಲಿ ಲೋಕಾರ್ಪಣೆಗೊಂಡಿದೆ. ಆಗಿನಿಂದ ಈವರೆಗೆ ಕ್ರಸ್ಟ್​ ಗೇಟ್​ ಬದಲಾಯಿಸಿಲ್ಲ. ಇತ್ತೀಚೆಗೆ ಜಲಾಶಯದ 19ನೇ ಕ್ರಸ್ಟ್​ ಗೇಟ್​ ತುಂಡಾಗಿದ್ದು, ಹಾನಿ ಸಂಭವಿಸಿದೆ. ಅಪಾರ ನೀರು ನದಿಗೆ ಹರಿದು ಹೋಗಿದೆ. ತಜ್ಞರು ಕ್ರಸ್ಟ್​ ಗೇಟ್​ ಬದಲಾವಣೆಗೆ ಶಿಾರಸ್ಸು ಮಾಡಿದ್ದಾರೆ. ಟಿಬಿ ಬೋರ್ಡ್​ ಜಲಾಶಯ ನಿರ್ಮಿಸುತ್ತಿದೆ ಎಂದು ತಿಳಿಸಿದರು.

ಭವಿಷ್ಯದಲ್ಲಿ ಡ್ಯಾಂ ಸುರಕ್ಷತೆ ದೃಷ್ಟಿಯಿಂದ ಗೇಟ್​ ಬದಲಾವಣೆ ಮಾಡಬೇಕು. ಹೊಸ ಗೇಟ್​ ಅಳವಡಿಸಬೇಕು. ಜಲ ಆಯೋಗ, ಕೇಂದ್ರ ಸರ್ಕಾರ ಆದ್ಯತೆ ಮೇರೆಗೆ ಕಾಮಗಾರಿ ಕೈಗೊಳ್ಳಬೇಕೆಂದು ಮನವಿ ಮಾಡಿದರು.