ಉತ್ತಮ ಆರೋಗ್ಯ ಸೇವೆ ಪಡೆಯಿರಿ

ಕೊಪ್ಪಳ: ಲಯನ್ಸ್​ ಕ್ಲಬ್​ ಹಲವು ಸಾಮಾಜಿಕ ಸೇವೆ ನೀಡುತ್ತಿದ್ದು, ಕೊಪ್ಪಳದಲ್ಲಿ ಡೇ ಕೇರ್​ ಸೆಂಟರ್​ ಆರಂಭಿಸಿದ್ದು ಸಾರ್ವಜನಿಕರು ಸದ್ಬಳಕೆ ಮಾಡಿಕೊಳ್ಳಬೇಕೆಂದು ಲಯನ್ಸ್​ ಕ್ಲಬ್​ ಡಿಸ್ಟ್ರಿಕ್ಟ್​ ಗವರ್ನರ್​ ಮನೋಜ್​ ಎಲ್​. ಮಾನೆಕ್​ ಹೇಳಿದರು.

ನಗರದಲ್ಲಿ ಲಯನ್ಸ್​ ಕ್ಲಬ್​ ಹಾಗೂ ಮಲ್ಲಿಕಾರ್ಜುನ್​ ಸೋಮಲಾಪುರ ಮೆಮೋರಿಯಲ್​ ಟೆಸ್ಟ್​ ಸಹಯೋಗದಲ್ಲಿ ಆರಂಭಿಸಿರುವ ಡೇ ಕೇರ್​ ಸೆಂಟರ್​ ಶುಕ್ರವಾರ ಉದ್ಘಾಟಿಸಿ ಮಾತನಾಡಿದರು.

ಇತ್ತೀಚೆಗೆ ಎಲ್ಲ ವಯೋಮಾನದವರಿಗೆ ಆರೋಗ್ಯ ಸಮಸ್ಯೆ ಬಾಧಿಸುತ್ತಿವೆ. ಜನರ ಆರೋಗ್ಯ ರಕ್ಷಣೆಗಾಗಿ ಕ್ಲಬ್​ ಅನೇಕ ಚಟುವಟಿಕೆಗಳನ್ನು ಹಮ್ಮಿಕೊಳ್ಳುತ್ತಿದೆ. ಕೊಪ್ಪಳದಲ್ಲಿ ಡೇ ಕೇರ್​ ಸೆಂಟರ್​ ಆರಂಭಿಸಲಾಗಿದೆ. ಅತಿ ಕಡಿಮೆ ದರದಲ್ಲಿ ಸೇವೆಗಳು ಸಿಗಲಿವೆ. ಇದರಿಂದ ಬಡವರಿಗೆ ಅನುಕೂಲವಾಗಲಿದೆ ಎಂದರು.

ಕ್ಲಬ್​ ಕಾರ್ಯದರ್ಶಿ ಪ್ರದಿಪ್​ ಸೋಮಲಾಪುರ ಮಾತನಾಡಿ, ಕೊಪ್ಪಳದ ಜನರಿಗೆ ಆರೋಗ್ಯದ ಸಮಸ್ಯೆಗಳ ಕುರಿತಂತೆ ಲಯನ್ಸ್​ ಕ್ಲಬ್​ ಡೇ ಕೇರ್​ ಸೆಂಟರ್​ ಕಾಳಜಿ ವಹಿಸಲಿದೆ. ಸಾರ್ವಜನಿಕರು ಆರೋಗ್ಯದ ಮೇಲೆ ಹೆಚ್ಚು ಹಣ ವ್ಯಯಿಸುತ್ತಿದ್ದಾರೆ. ಸೂಕ್ತ ಮಾರ್ಗದರ್ಶನ, ಸಕಾಲಕ್ಕೆ ಚಿಕಿತ್ಸೆ ಸಿಗದೆ ಹಲವರು ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಇದನ್ನು ಅರಿತು ಮಲ್ಲಿಕಾರ್ಜುನ್​ ಸೋಮಲಾಪುರ ಮೆಮೋರಿಯಲ್​ ಟ್ರಸ್ಟ್​ ಡೇ ಕೇರ್​ ಸೆಂಟರ್​ ಆರಂಭಿಸಿದ್ದೇವೆ. ಸಾರ್ವಜನಿಕರಿಗೆ ಇಲ್ಲಿ ಉತ್ತಮ ಸೌಲಭ್ಯ ಸಿಗಲಿದೆ ಎಂದು ಹೇಳಿದರು.

ಕ್ಲಬ್​ ಆಡಳಿತ ಮಂಡಳಿ ಸದಸ್ಯ ರವಿ ಎಲ್​.ನಾಡಿಗೇರ, ಅಡ್ವೆ$ಸರ್​ ಸುಗ್ಗಲಾ ಯಳಮಲಿ, ಪರಮೇಶ್ವರಪ್ಪ ಕೊಪ್ಪಳ, ವೀರಭದ್ರಪ್ಪ ಅಂಗಡಿ ಇತರರಿದ್ದರು.