ರಾಷ್ಟ್ರೀಯ ಲೋಕ ಅದಾಲತ್​ ಜು.12ಕ್ಕೆ

ಕೊಪ್ಪಳ: ರಾಷ್ಟ್ರೀಯ ಲೋಕ ಅದಾಲತ್​ ಅಂಗವಾಗಿ ಜು.012ರಂದು ಜಿಲ್ಲಾದ್ಯಂತ ಎಲ್ಲ ನ್ಯಾಯಾಲಯಗಳಲ್ಲಿ ಅದಾಲತ್​ ಹಮ್ಮಿಕೊಳ್ಳಲಾಗುವುದೆಂದು ಜಿಲ್ಲಾ ಕಾನೂನು ಸೇವಾ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ನ್ಯಾಯಾಧೀಶ ಮಹಾಂತೇಶ ಎಸ್​.ದರಗದ ತಿಳಿಸಿದರು.

ನಗರದ ಕಾನೂನು ಸೇವಾ ಪ್ರಾಧಿಕಾರ ಕಚೇರಿಯಲ್ಲಿ ಶುಕ್ರವಾರ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದರು.

ನ್ಯಾಯಾಲಯಗಳಲ್ಲಿ ಬಾಕಿ ಇರುವ ಪ್ರಕರಣಗಳ ದಾವೆದಾರರು ಹಾಗೂ ಕಕ್ಷಿದಾರರು ಅದಾಲತ್​ ಲಾಭ ಪಡೆಯಬಹುದು. ವ್ಯಾಜ್ಯಪೂರ್ವ ಪ್ರಕರಣಗಳ ರಾಜೀಸಂಧಾನಕ್ಕೂ ಅವಕಾಶವಿದೆ. ಪರಸ್ಪರ ರಾಜೀ ಮಾಡಿಕೊಳ್ಳುವುದರಿಂದ ಪ್ರರಕಣ ಬೇಗ ಇತ್ಯರ್ಥವಾಗಲಿದೆ. ಇಬ್ಬರಿಗೂ ಲಾಭವಾಗಲಿದೆ. ಸಿವಿಲ್​, ಭೂಸ್ವಾಧಿನ, ಬ್ಯಾಂಕ್​ ವಸೂಲಿ, ದರಖಾಸ್ತು, ಕಾರ್ಮಿಕ, ಎಂಎಂಆರ್​ಡಿ, ಚೆಕ್​ ಬೌನ್ಸ್​, ಮೋಟಾರು ಅಪಘಾತ ಪರಿಹಾರ, ವೈವಾಹಿಕ ಪ್ರಕರಣ ಮತ್ತು ರಾಜಿಗೆ ಅರ್ಹವಿರುವ ಕ್ರಿಮಿನಲ್​ ಪ್ರಕರಣಗಳನ್ನು ಪರಸ್ಪರ ಪರಿಹರಿಸಿಕೊಳ್ಳಬಹುದೆಂದರು. ವಾರ್ತಾಧಿಕಾರಿ ಡಾ.ಸುರೇಶ ಜಿ. ಇದ್ದರು.

ಜಿಲ್ಲಾ ಸಾಥಿ ಸಮಿತಿ: ವಿವಿಧ ಇಲಾಖೆ ಅಧಿಕಾರಿಗಳನ್ನೊಳಗೊಂಡು ಜಿಲ್ಲಾ ಸಾಥಿ ಸಮಿತಿ ರಚಿಸಲಾಗಿದೆ. ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿ, ತಹಸೀಲ್ದಾರ್​, ಶಿಕ್ಷಣಾಧಿಕಾರಿ, ಆರೋಗ್ಯಾಧಿಕಾರಿ, ಮಹಿಳಾ ಮಕ್ಕಳ ಅಭಿವೃದ್ಧಿ ಅಧಿಕಾರಿ, ಪೊಲೀಸ್​ ಅಧಿಕಾರಿಗಳು, ಪ್ಯಾನಲ್​ ವಕೀಲರು, ಪ್ಯಾರಾ ಲೀಗಲ್​ ಸ್ವಯಂ ಸೇವಕರು ಸದಸ್ಯರಿರುತ್ತಾರೆ. ಪರಿತ್ಯಕ್ತ ಮಕ್ಕಳನ್ನು ಗುರುತಿಸಿ ಆಧಾರ್​ ಕಾರ್ಡ್​ ನೋಂದಾಯಿಸುವುದು, ಅಂಥ ಮಕ್ಕಳಿಗೆ ಸರ್ಕಾರಿ ಸೌಲಭ್ಯ ದೊರೆಯುವಂತೆ ಮಾಡುವುದು ಸಮಿತಿ ಉದ್ದೇಶವೆಂದು ನ್ಯಾಯಾಧೀಶರು ವಿವರಿಸಿದರು.

ನೇಮಕಾತಿ: ಮುಖ್ಯ ಕಾನೂನು ಅಭಿರಕ್ಷಕರು, ಉಪ ಮುಖ್ಯ ಕಾನೂನು ಅಭಿರಕ್ಷಕರು ಹಾಗೂ ಸಹಾಯಕ ಕಾನೂನು ಅಭಿರಕ್ಷಕರ ನೇಮಕಾತಿಗಾಗಿ ಅರ್ಜಿ ಆಹ್ವಾನಿಸಿದೆ. ಜೂ.9 ರಿಂದ 19 ರೊಳಗೆ ಅರ್ಜಿ ಸಲ್ಲಿಸಬೇಕು. ಮಾಹಿತಿಗಾಗಿ ಜಠಿಠಿಟಠ://ಟಟಟಚ್ಝ.ಛ್ಚಟ್ಠ್ಟಠಿಠ.ಜಟಡ.ಜ್ಞಿ ಹಾಗೂ ಜಠಿಠಿಟಠ://ಟಟಟಚ್ಝ.ಛ್ಚಟ್ಠ್ಟಠಿಠ.ಜಟಡ.ಜ್ಞಿ/ಛ್ಝಠಚ-ಠ್ಝಿಠಚ/ ಲಿಂಕನ್ನು ಸಂಪರ್ಕಿಸುವಂತೆ ನ್ಯಾ.ಮಹಾಂತೇಶ ದರಗದ ತಿಳಿಸಿದರು.