ಲಾಡ್ಜ್​ನಲ್ಲಿ ಆತ್ಮಹತ್ಯೆ ಮಾಡಿಕೊಂಡ ವಾರ್ಡನ್​

ಕೊಪ್ಪಳ: ನಗರದ ಕೃಷ್ಣಾವೆಜ್​ ಲಾಡ್ಜ್​ನಲ್ಲಿ ಗದಗ ತಾಲೂಕಿನ ಬೆಳದಡಿ ತಾಂಡಾ ನಿವಾಸಿ, ಹಾಸ್ಟೆಲ್​ ವಾರ್ಡನ್​ ಹಮೇಶ ಪುಜಾರ (39) ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಅ.18ರಿಂದ ಲಾಡ್ಜ್​ನಲ್ಲಿ ವಾಸವಾಗಿದ್ದ. ಭಾನುವಾರ ರೂಮಿನ ಕಿಟಕಿಯಿಂದ ನೋಡಿದಾಗ ನೇಣು ಬಿಗಿದ ಸ್ಥಿತಿಯಲ್ಲಿ ಹಮೇಶ ಕಾಣಿಸಿಕೊಂಡಿದ್ದಾನೆ. ಕುಟುಂಬದವರು ಬಂದ ಬಳಿಕ ಬಾಗಿಲು ತೆರೆದಾಗ ಮೃತಪಟ್ಟಿರುವುದು ಗೊತ್ತಾಗಿದೆ. ಈ ಬಗ್ಗೆ ಮೃತನ ತಂದೆ ಗಣಪತಿ ಪೂಜಾರ ದೂರು ನೀಡಿದ್ದು, ಆತ್ಮಹತ್ಯೆ ಮಾಡಿಕೊಂಡಿದ್ದಾಗಿ ತಿಳಿಸಿದ್ದಾರೆ. ಕೊಪ್ಪಳ ನಗರಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.