ಮೇ 9ರಂದು ಅಭಿಷೇಕ ಸಿಂಗ್ರಿ ಎಂಬುವವರ ಓಂಕಾರ್ ಜುವೆಲರಿಯಲ್ಲಿ ಕಳ್ಳತನ ನಡೆದಿದೆ. ಅಂಗಡಿ ಬೀಗ ಮುರಿದು 5,32,104ರೂ. ಮೌಲ್ಯದ ಬೆಳ್ಳಿ ಆಭರಣ, 34 ಸಾವಿರ ರೂ. ಬೆಲೆಯ ಬಂಗಾರದ ಆಭರಣ ಕಳ್ಳತನ ಆದ ಬಗ್ಗೆ ಮಾಲೀಕರು ದೂರು ನೀಡಿದ್ದರು. ಕುಷ್ಟಗಿ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಅನುಮಾನಾಸ್ಪದವಾಗಿ ಓಡಾಡುತ್ತಿದ್ದ ಸಿಂಧನೂರು ತಾಲೂಕಿನ ಹಸನಕಲ್ ನಿವಾಸಿ ವೆಂಕಟೇಶ ಹಾಗೂ ಕೊಡಗು ಜಿಲ್ಲೆಯ ಕುಶಾಲನಗರದ, ಸದ್ಯ ಹುಬ್ಬಳ್ಳಿಯ ಆನಂದ ನಗರ ನಿವಾಸಿ ದುರಗಪ್ಪನನ್ನು ಬಂಧಿಸಿದ ಪೊಲೀಸರು ವಿಚಾರಿಸಿದ್ದಾರೆ. ಇಬ್ಬರೂ ಆಭರಣ ಕದ್ದ ಬಗ್ಗೆ ತಪ್ಪೊಪ್ಪಿಕೊಂಡಿದ್ದಾರೆ. 4,62,740ರೂ. ಮೌಲದ್ಯ 4.92 ಕೆಜಿ ಬೆಳ್ಳಿ ಆಭರಣ ಮತ್ತು 34 ಸಾವಿರ ರೂ.ನ ಬಂಗಾರದ ಆಭರಣಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಬುಧವಾರ ಎಸ್ಪಿ ಡಾ.ರಾಮ್ ಎಲ್.ಅರಸಿದ್ದಿ ಮಾಹಿತಿ ನೀಡಿದರು.
