ಜಿಟಿಟಿಸಿ ಪ್ರವೇಶ ಆರಂಭ

ಕೊಪ್ಪಳ: ತಾಲೂಕಿನ ದದೇಗಲ್​ ಸರ್ಕಾರಿ ಉಪಕರಣಗಾರ ಮತ್ತು ತರಬೇತಿ ಕೇಂದ್ರದಲ್ಲಿ ಮೇ 3ರಿಂದ ಪ್ರವೇಶ ಆರಂಭವಾಗಿದ್ದು 15ವರೆಗೆ ಎಸ್ಸೆಸ್ಸೆಲ್ಸಿ ಪಾಸಾದ ಮಕ್ಕಳು ಪ್ರವೇಶ ಪಡೆಯುವಂತೆ ಸಂಸ್ಥೆ ನಿರ್ವಾಹಕ ಮೌನೇಶ ರಾಠೋಡ್​ ತಿಳಿಸಿದರು.

ನಮ್ಮಲ್ಲಿ ಸಂಪೂರ್ಣ ಉದ್ಯೋಗ ಭರವಸೆ ನೀಡುತ್ತೇವೆ. ಕಳೆದ ಬ್ಯಾಚ್​ನಲ್ಲಿ 57 ಮಕ್ಕಳು ಉದ್ಯೋಗವಕಾಶ ಪಡೆದುಕೊಂಡಿದ್ದಾರೆ. ನಮ್ಮಲ್ಲಿ ಡಿಪ್ಲೋಮಾ ಇನ್​ ಟೂಲ್​ ಆ್ಯಂಡ್​ ಡೈ ಮೇಕಿಂಗ್​, ಡಿಪ್ಲೋಮಾ ಇನ್​ ಮೆಕಾಟ್ರಾನಿಕ್ಸ್​, ಡಿಪ್ಲೋಮಾ ಇನ್​ ಎಲೆಕ್ಟ್ರಾನಿಕ್ಸ್​ ಆ್ಯಂಡ್​ ಕಮ್ಯೂನಿಕೇಷನ್​ ಇಂಜಿನಿಯರಿಂಗ್​ ಕೋರ್ಸ್​ಗಳಿವೆ. ಎಸ್ಸೆಸ್ಸೆಲ್ಸಿ ಪಾಸ್​ ಆದವರು, ಐಟಿಐ ಮಾಡಿದ ವಿದ್ಯಾರ್ಥಿಗಳು ಪ್ರವೇಶ ಪಡೆಯಬಹುದು. ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಪ್ರತ್ಯೇಕ ಹಾಸ್ಟೆಲ್​ ಸೌಲಭ್ಯವಿದೆ. 180 ಸೀಟ್​ ಲಭ್ಯವಿದ್ದು ಈಗಾಗಲೇ 12 ಸೀಟ್​ ಭರ್ತಿಯಾಗಿವೆ. ಬಹಳಷ್ಟು ಜನರಿಗೆ ಎಸ್ಸೆಸ್ಸೆಲ್ಸಿ ನಂತರ ಮುಂದೇನು ಎಂಬ ಪ್ರಶ್ನೆಗೆ ಜಿಟಿಟಿಸಿ ಉತ್ತರವಾಗಿ ನಿಲ್ಲುತ್ತಿದೆ ಎಂದರು.

ನಮ್ಮಲ್ಲಿ ತರಬೇತಿ ಪಡೆದ ಎಲ್ಲರಿಗೂ ಶೇ.100ರಷ್ಟು ಉದ್ಯೋಗ ಭರವಸೆ ನೀಡುತ್ತೇವೆ. ಎರಡು ಹಂತದಲ್ಲಿ ಶುಲ್ಕ ಭರಿಸಲು ಅವಕಾಶವಿದೆ. ಕನ್ನಡ ಮತ್ತು ಇಂಗ್ಲೀಷ್​ ಎರಡು ಭಾಷೆಯಲ್ಲೂ ಬೋಧನೆ, ಪರೀೆ ಬರೆಯಬಹುದು. ಶೇ.70ರಷ್ಟು ಪ್ರಾಯೋಗಿಕ ಕಲಿಕೆ ಇರಲಿದೆ. ಕೋರ್ಸ್​ ಮುಗಿದ ನಂತರ ಒಂದು ವರ್ಷ ಕಡ್ಡಾಯವಾಗಿ ಶಿಶುಕ್ಷು ತರಬೇತಿ ಇರಲಿದೆ. ಆಗಲೂ ಗೌರವಧನ ಸಿಗಲಿದೆ. ನಮ್ಮ ಭಾಗದ ವಿದ್ಯಾರ್ಥಿಗಳು ಸೌಲಭ್ಯ ಸದುಪಯೋಗ ಪಡೆಯಬೇಕು. ಮಾಹಿತಿಗೆ 7507094445, 9620057086, 998608894 ಸಂಪರ್ಕಿಸಲು ಮನವಿ ಮಾಡಿದರು. ಪ್ರಾಚಾರ್ಯ ಪ್ರಭುರಾಜ, ಉಪನ್ಯಾಸಕರಾದ ಷಾವಲಿ, ಸೈಯದ್​ ಆಜನ್​ ಇದ್ದರು.