ತಾಲೂಕಿನ ಶಿವಪುರ ಸರ್ಕಾರಿ ಪ್ರಾಥಮಿಕ ಶಾಲೆಗೆ ಜ.2ರಂದು ದಿಢೀರ್ ಭೇಟಿ ನೀಡಿದ ತಹಸೀಲ್ದಾರ್ ಮಕ್ಕಳು ಬಿಸಿಯೂಟ ಸವಿಯುತ್ತಿದ್ದನ್ನು ಗಮನಿಸಿದ್ದಾರೆ. ಮೊಟ್ಟೆ ನೀಡಿಲ್ಲವಾ ಎಂದು ಕೇಳಿದಾಗ ಮಕ್ಕಳು ನೀಡಿಲ್ಲವೆಂದಿದ್ದಾರೆ. ಯಾಕೆ ವಿತರಿಸಿಲ್ಲವೆಂದು ಮುಖ್ಯ ಶಿಕ್ಷಕ ವಿರುಪಣ್ಣಗೆ ಪ್ರಶ್ನಿಸಿದ್ದಾರೆ. ಮೊಟ್ಟೆ ದರ ಹೆಚ್ಚಳವಾಗಿದ್ದರಿಂದ ನೀಡುತ್ತಿಲ್ಲವೆಂದು ಶಿಕ್ಷಕ ಉತ್ತರಿಸಿದ್ದಾರೆ. ಇದರಿಂದ ಗರಂ ಆದ ತಹಸೀಲ್ದಾರ್ ಸರ್ಕಾರ ಮೊಟ್ಟೆ ನೀಡಲು ತಿಳಿಸಿದೆ. ಹಣ ನೀಡುತ್ತಿದೆ. ನೀವೇನು ನಿಮ್ಮ ಮನೆಯಿಂದ ಹಣ ತಂದು ನೀಡುತ್ತೀರಾ ? ಎಂದು ಹಿಗ್ಗಾಮುಗ್ಗಾ ತರಾಟೆ ತೆಗೆದುಕೊಂಡಿದ್ದಾರೆ. ಸರ್ಕಾರದ ಸೂಚನೆಯಂತೆ ಮಧ್ಯಾಹ್ನದ ಬಿಸಿಯೂಟಕ್ಕೆ ಮೊಟ್ಟೆ ನೀಡಲೇಬೇಕೆಂದು ತಾಕೀತು ಮಾಡಿದ ವಿಡಿಯೋ ವೈರಲ್ ಆಗಿದೆ.
