ಸ್ವಯಂ ದೂರು ದಾಖಲು

ಕೊಪ್ಪಳ: ಗವಿ ನಾಯಕ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣದಲ್ಲಿ ಕೋಮು ಸೌಹಾರ್ದತೆಗೆ ಧಕ್ಕೆ ತರುವಂತೆ ಪೋಸ್ಟ್​ ಮಾಡಿದ ಸಂಬಂಧ ನಗರಠಾಣೆಯಲ್ಲಿ ಬುಧವಾರ ಪ್ರಕರಣ ದಾಖಲಾಗಿದೆ.

ಪಿಐ ಕೆ.ಜಯಪ್ರಕಾಶ್​ ದೂರು ದಾಖಲಿಸಿದ್ದಾರೆ. ಕೊಪ್ಪಳದ ನಿರ್ಮಿತಿ ಕೇಂದ್ರ ಬಳಿಯ ಸೈಯದ್​ ನದಿಮುಲ್ಲಾ ಖಾದ್ರಿ ಮಸೀದಿ ಬಳಿ ಆ.3ರಂದು ಗವಿನಾಯಕ ಕೊಲೆ ಆಗಿದೆ. ಈ ಸಂಬಂಧ ಸುದ್ದಿವಾಹಿನಿಯಲ್ಲಿ ಬಂದ ಸುದ್ದಿಗೆ ಹನಿ ರಿಯಾದ್​ (ಜೀವನದ ಗೆಳೆಯ) ಹೆಸರಿನ ವ್ಯಕ್ತಿ "ಕೇಸರಿ ಜಿಹಾದ್​ ಮಾಡಿದ್ರೆ ಇದೇ ಗತಿ' ಎಂದು ಪೋಸ್ಟ್​ ಮಾಡಿದ್ದಾನೆ. ಸದ್ಯ ಪ್ರಕರಣದಲ್ಲಿ ತನಿಖೆ ನಡೆಯುತ್ತಿದೆ. ಈ ಹಂತದಲ್ಲಿ ಕೋಮು ಸೌಹಾರ್ದತೆಗೆ ಧಕ್ಕೆ ತರುವಂತೆ ೇಸ್​ಬುಕ್​ನಲ್ಲಿ ಉದ್ದೇಶಪೂರ್ವಕವಾಗಿ ಕಮೆಂಟ್​ ಮಾಡಿದ್ದಾನೆ. ಇದರಿಂದ ಒಂದು ಕೋಮಿನ ಜನರು ಉದ್ರೇಕಗೊಂಡಿದ್ದಾರೆ. ಕೋಮುಗಳ ನಡುವಿನ ಸ್ವಾಸ್ಥ$್ಯ ಹಾಳಾಗಲಿದೆ. ಕಾನೂನು, ಸುವ್ಯವಸ್ಥೆಗೆ ಧಕ್ಕೆ ಬರಲಿದೆ. ಹೀಗಾಗಿ ಖಾತೆದಾರನ ವಿರುದ್ಧ ಪ್ರಕರಣ ದಾಖಲಿಸಿ ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ.