ನಗರದ ಜವಾಹರ ರಸ್ತೆ, ಗಡಿಯಾರ ಕಂಬ ವೃತ್ತ, ಪ್ರಮುಖ ಕಡೆಗಳಲ್ಲಿ ಬಗೆ ಬಗೆ ಮೂರ್ತಿಗಳು ಪ್ರತಿಷ್ಠಾಪನೆಗೊಂಡಿವೆ. ಮಳೆ ನಡುವೆಯೂ ಸುಗಮವಾಗಿ ಪೂಜೆ ನೆರವೇರಿದವು. ಡೊಳ್ಳು ಹೊಟ್ಟೆ ಗಣಪ, ಚಿತ್ರಗುಪ್ತ ಗಣಪ, ರಾಜನಾಗಿರುವ ಗಣಪ ಹೀಗೆ ಬಗೆ ಬಗೆ ಥೀಮ್ನಲ್ಲಿ ಗಣೇಶ ಮೂರ್ತಿಗಳನ್ನು ಪ್ರತಿಷ್ಠಾಪಿಸಲಾಗಿದೆ. ಕೊಪ್ಪಳದ ಕೋಟೆ ಏರಿಯಾದಲ್ಲಿ ಶ್ರೀ ವಿನಾಯಕ ಮಿತ್ರ ಮಂಡಳಿ 43 ವರ್ಷದಿಂದ ಗಣಪನ್ನು ಕೂಡಿಸುತ್ತಿದ್ದಾರೆ. ಈ ವರ್ಷ ಸೊಂಡಿಲಿನಲ್ಲಿ 10ರೂ. ನಾಣ್ಯ ಹಾಕಿದರೆ ಕೈಯಿಂದ ಪ್ರಸಾದ ಕೊಡುವ ವಿಶೇಷ ಮೂರ್ತಿ ಕೂಡಿಸಿದ್ದು ಭಕ್ತರನ್ನು ಸೆಳೆಯುತ್ತಿದೆ. ಉಳಿದಂತೆ ಶಿವಶಾಂತವೀರ ನಗರದ ಕೊಪ್ಪಳ ಕಾ ರಾಜ, ಬಸವೇಶ್ವರ ನಗರದ ಬುದ್ಧಿನಾಥ ಗಣಪತಿ, ಹಿಂದು ಮಹಾಮಂಡಳಿಯ 21 ಅಡಿ ಉದ್ದದ ಗಣಪ ಸೇರಿ ಇತರ ಪ್ರಮುಖ ಮಿತ್ರ ಮಂಡಳಿಗಳು ಮೂರ್ತಿಗಳು ಆಕರ್ಷಕವಾಗಿವೆ.
