ನೂತನ ಡಿಸಿ, ಸಿಇಒ ಅಧಿಕಾರ ಸ್ವೀಕಾರ

ಕೊಪ್ಪಳ: ನೂತನ ಡಿಸಿ ಡಾ.ಸುರೇಶ ಬಿ.ಇಟ್ನಾಳ್​ ಹಾಗೂ ಜಿಲ್ಲಾ ಪಂಚಾಯಿತಿ ಸಿಇಒ ವರ್ಣಿತ್​ ನೇಗಿ ಅವರು ಬುಧವಾರ ಅಧಿಕಾರ ಸ್ವೀಕರಿಸಿದರು.

ಕರ್ನಾಟಕದವರೇ ಆದ 2016ರ ಐಎಎಸ್​ ಬ್ಯಾಚ್​ ಅಧಿಕಾರಿ ಡಾ.ಸುರೇಶ ಅವರು ಈ ಮೊದಲು ಕೊಪ್ಪಳ ಎಡಿಸಿಯಾಗಿ 2014ರಲ್ಲಿ ಸೇವೆ ಸಲ್ಲಿಸಿದ್ದಾರೆ. ಬುಧವಾರ ನಿರ್ಗಮಿತ ಡಿಸಿ ನಲಿನ್​ ಅತುಲ್​ ಹೂ ಗುಚ್ಛ ನೀಡಿ ನೂತನ ಡಿಸಿ ಅವರನ್ನು ಸ್ವಾಗತಿಸಿದರು. ಕಂದಾಯ ಸೇರಿ ವಿವಿಧ ಇಲಾಖೆ ಅಧಿಕಾರಿಗಳು ಶುಭಾಶಯ ಕೋರಿದರು.

2019ರ ಐಎಎಸ್​ ಬ್ಯಾಚ್​ ಅಧಿಕಾರಿ ವರ್ಣಿತ್​ ನೇಗಿ ಮೂಲತ@ ಛತ್ತೀಸಗಡದವರು. ಈ ಮೊದಲು ಕೊಪ್ಪಳದಲ್ಲಿ ಪ್ರೊಬೇಷನರಿ ಐಎಎಸ್​ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಬಳಿಕ ಮೈಸೂರು ಜಿಲ್ಲೆಯ ಹುಣಸೂರಿನಲ್ಲಿ ಸಹಾಯಕ ಆಯುಕ್ತರಾಗಿ ಕರ್ತವ್ಯ ನಿರ್ವಹಿಸಿ ನಂತರ ಮೈಸೂರು ಆಡಳಿತ ತರಬೇತಿ ಸಂಸ್ಥೆ(ಎ.ಟಿ.ಐ) ನಲ್ಲಿ ಜಂಟಿ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಅಲ್ಲಿಂದ ಬೆಂಗಳೂರು ಗ್ರಾಮಾಂತರ, ಕೊಡಗು ಜಿಲ್ಲೆಗಳ ಸಿಇಒ, ಹುಬ್ಬಳ್ಳಿ ಕೆಎಚ್​ಡಿಸಿ ಎಂಡಿಯಾಗಿ ಕರ್ತವ್ಯ ನಿರ್ವಹಿಸಿ ಸದ್ಯ ಕೊಪ್ಪಳ ಸಿಇಒ ಆಗಿ ನೇಮಕಗೊಂಡಿದ್ದಾರೆ.