ಒತ್ತಡ ನಿವಾರಣೆಗೆ ಕ್ರೀಡೆ ಅವಶ್ಯ, ಡಿಸಿ ನಲಿನ್​ ಅತುಲ್​ ಅಭಿಮತ

ಕೊಪ್ಪಳ: ಒತ್ತಡ ನಿವಾರಣೆಗೆ ಕ್ರೀಡಾ ಚಟುವಟಿಕೆಯಲ್ಲಿ ಭಾಗಿಯಾಗುವುದು ಅಗತ್ಯ. ಕ್ರೀಡೆಯಿಂದ ದೈಹಿಕ, ಮಾನಸಿಕ ಉಲ್ಲಾಸ ಹೆಚ್ಚಲಿದೆ ಎಂದು ಜಿಲ್ಲಾಧಿಕಾರಿ ನಲಿನ್​ ಅತುಲ್​ ಅಭಿಪ್ರಾಯಪಟ್ಟರು.

ನಗರದ ಪೊಲೀಸ್​ ಕವಾಯತು ಮೈದಾನದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪೊಲೀಸ್​ ವಾರ್ಷಿಕ ಕ್ರೀಡಾಕೂಟ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಪೊಲೀಸ್​ ಕ್ರೀಡಾಕೂಟದಲ್ಲಿ ಭಾಗಿಯಾಗಿದ್ದು ಸಂತಸ ತಂದಿದೆ. ಕಳೆದ ವರ್ಷವೂ ಭಾಗಿಯಾಗಿದ್ದೆ. ತಂಡವಾಗಿ, ಕ್ರೀಡಾ ಸ್ಫೂರ್ತಿಯಿಂದ ಪಾಲ್ಗೊಳ್ಳಿ. ಸಣ್ಣಪುಟ್ಟ ತಪು$್ಪಗಳ ಕಡೆ ಗಮನ ನೀಡಬೇಡಿ. ಒತ್ತಡ ನಿವಾರಣೆಗೆ ಕ್ರೀಡೆ ಅವಶ್ಯ. ಪೊಲೀಸರು ಹೆಚ್ಚಿನ ಒತ್ತಡದಲ್ಲಿ ಕೆಲಸ ಮಾಡುತ್ತಾರೆ. ಕ್ರೀಡೆಯಲ್ಲಿ ಪಾಲ್ಗೊಳ್ಳುವಿಕೆಯಿಂದ ಲವಲವಿಕೆ ಹೆಚ್ಚಲಿದೆ. ಕಳೆದ ಬಾರಿ ಆದ ತಪು$್ಪಗಳು ಮರುಕಳಿಸದಿರಲಿ. ಮೂರು ದಿನ ನಡೆವ ಕ್ರೀಡಾಕೂಟ ಯಶಸ್ಸಿಯಾಗಿ ನೆರವೇರಲಿ ಎಂದರು.

ಎಸ್ಪಿ ಡಾ. ರಾಮ್​ ಎಲ್​.ಅರಸಿದ್ದಿ ಮಾತನಾಡಿದರು. ಕ್ರೀಡಾ ಜ್ಯೋತಿ ಬೆಳಗವು ಮೂಲಕ ಕ್ರೀಡಾಕೂಟಕ್ಕೆ ಚಾಲನೆ ದೊರೆಯಿತು. ಸ್ಪರ್ಧಿಗಳು ಪ್ರತಿಜ್ಞಾ ವಿಧಿ ಸ್ವೀಕರಿಸಿದರು. ತುಪಾಕಿ ಸಿಡಿಸುವ ಮೂಲಕ ಓಟ ಸ್ಪರ್ಧೆಗೆ ಡಿಸಿ ಚಾಲನೆ ನೀಡಿದರು. ಮೊದಲ ದಿನ ವೈಯಕ್ತಿಕ ಆಟಗಳು ನಡೆದವು. ಲಾಂಗ್​ ಜಂಪ್​, ಹೈಜಂಪ್​, ಗುಂಡು ಎಸೆತ, ಜಾವೆಲಿನ್​ ಥ್ರೋ, ಓಟದ ಸ್ಪರ್ಧೆಗಳಲ್ಲಿ ಪೊಲೀಸರು ಭಾಗಿಯಾದರು. ಎಎಸ್ಪಿ ಹೇಮಂತ್​ ಕುಮಾರ್​, ಡಿವೈಎಸ್ಪಿಗಳಾದ ಸಿದ್ದಲಿಂಗಪ್ಪಗೌಡ ಪಾಟೀಲ್​, ಮುತ್ತಣ್ಣ ಸರವಗೊಳ ಇತರರಿದ್ದರು.