ಕೊಪ್ಪಳದಲ್ಲಿ ಬೆಳೆಗಳಿಗೆ ಎದುರಾದ ಕೊಳೆ ಭೀತಿ

ಕೊಪ್ಪಳ: ಜಿಲ್ಲಾದ್ಯಂತ ಮಳೆರಾಯನ ಅವಾಂತರ ಮುಂದುವರೆದಿದೆ. ಅಬ್ಬರ ಜೋರಾಗಿರದಿದ್ದರೂ ನಿರಂತರ ಮಳೆ ಕೃಷಿ ಚಟುವಟಿಕೆಗಳಿಗೆ ಸಂಕಷ್ಟ ತಂದಿಟ್ಟಿದೆ. ಇನ್ನೆರೆಡು ದಿನ ಮಳೆ ಮುಂದುವರೆವ ಸೂಚನೆಯಿಂದ ಮತ್ತಷ್ಟು ಹಾನಿ ಸಂಭವಿಸುವ ಸಾಧ್ಯತೆ ಇದೆ.

ಗುರುವಾರ ಒಂದೇ ದಿನ ಶೇ.391ರಷ್ಟು ಮಳೆ ಸುರಿದಿದೆ. ವಾಸ್ತವವಾಗಿ 3 ಮಿ.ಮೀ.ನಷ್ಟಾಗಬೇಕಿತ್ತು. ವಾಸ್ತವವಾಗಿ 17 ಮಿ.ಮೀ.ನಷ್ಟಾಗಿದೆ. ಮುಖ್ಯವಾಗಿ ಕೊಪ್ಪಳ, ಕಾಟಗಿ, ಗಂಗಾವತಿ, ಯಲಬುರ್ಗಾ ತಾಲೂಕುಗಳಲ್ಲಿ ಹೆಚ್ಚಾಗಿ ಮಳೆಯಾಗಿದೆ. ಇರಕಲ್​ಗಡಾ, ಅಳವಂಡಿ, ಕುಕನೂರು, ಮಂಗಳೂರು, ಯಲಬುರ್ಗಾ, ಕಾರಟಗಿ ಹೋಬಳಿಗಳಲ್ಲಿ ಇತರ ಭಾಗಗಳಿಗಿಂತ ಅಧಿಕ ಮಳೆಯಾಗಿದೆ. ಅ.21ವರೆಗೆ ಮಳೆ ಮುಂದುವರೆಯುವ ಸಾಧ್ಯತೆ ಇದ್ದು ಇನ್ನಷ್ಟು ಹಾನಿ ಸಂಭವಿಸಲಿದ್ದು ರೈತಾಪಿವರ್ಗವನ್ನು ಆತಂಕಕ್ಕೆ ದೂಡಿದೆ.

ಕಳೆದೊಂದು ವಾರದಲ್ಲಿ 300 ಹೆಕ್ಟೇರ್​ ಕೃಷಿ ಹಾಗೂ 50-100 ಹೆಕ್ಟೇರ್​ನಷ್ಟು ತೋಟಗಾರಿಕೆ ಬೆಳೆಗಳು ಹಾನಿಯಾಗಿವೆ. ಮೆಕ್ಕೆಜೋಳ, ಹತ್ತಿ, ತೊಗರಿ, ಅಲಸಂದಿ, ದ್ರಾ, ಈರುಳ್ಳಿ ಸೇರಿ ಇತರ ಬೆಳೆಗಳು ವರ್ಷಧಾರೆಗೆ ನೆಲಕಚ್ಚಿವೆ. ಗಂಗಾವತಿ, ಕಾರಟಗಿ ಭಾಗದಲ್ಲಿ ಭತ್ತಕ್ಕೆ ಹಾನಿಯಾಗಿದೆ. ಗಾಳಿ&ಮಳೆಗೆ ಭತ್ತ ನೆಲಕ್ಕುರುಳಿದ್ದು, ಕೈಗೆ ಬಂದ ಬೆಳೆ ನಷ್ಟವಾಗಿದೆ. ಸತತ ಮೋಡ ಕವಿದ ವಾತವರಣ ಕಾರಣ ಭತ್ತಕ್ಕೆ ಕಂದು ಜಿಗಿ ಹುಳು ಭಾದೆ ಕಾಡಲಾರಂಭಿಸಿದೆ