ಸರ್ಕಾರದ ಸೂಚನೆಯಂತೆ ನಗರ, ಸ್ಥಳಿಯ ಸಂಸ್ಥೆಗಳ ವ್ಯಾಪ್ತಿಯಲ್ಲಿರುವ ಆಸ್ತಿ ತೆರಿಗೆ, ಬೇಡಿಕೆ, ವಸೂಲಿ ಮತ್ತು ಬಾಕಿ ನಿರ್ವಹಿಸಲು ನಿಗದಿಪಡಿಸಿರುವ ನಮೂನೆ ಕೆ.ಎಂ.ಎಫ್. 24ರ ವಹಿ ಮತ್ತು ಆಸ್ತಿ ಕಣಜ ತಂತ್ರಾಂಶದಲ್ಲಿ ನಿಗದಿತ ಕಾಲಮಿತಿಯೊಳಗೆ ಕಾಲೋಚಿತಗೊಳಿಸಬೇಕಾಗಿದೆ. ಆಸ್ತಿಗೆ ಸಂಬಂಧಿಸಿದ ಖರೀದಿ ಪತ್ರ, ಎನ್.ಎ.ಆದೇಶದ ಪ್ರತಿ, ವಿನ್ಯಾಸ ನಕ್ಷೆ, ಚಕ್ಕಬಂದಿ ದಾಖಲಾತಿ, ವರ್ಗಾವಣೆ ಆದೇಶ ಪ್ರತಿ, ಕೈ ಬರಹದ ನಮೂನೆ-&3ರ ಪ್ರತಿ, ಆಸ್ತಿ ಭಾವಚಿತ್ರ, ಆಸ್ತಿ ಮಾಲೀಕರ ಪಾಸ್ ಪೋರ್ಟ ಸೈಜ್ ಭಾವಚಿತ್ರ ಮತ್ತು ವೋಟರ್ ಐ.ಡಿ. ಸಲ್ಲಿಸಬೇಕು. ದಾಖಲೆಗಳನ್ನು ನಗರಸಭೆಯ ಸಂಬಂಧಪಟ್ಟ ವಾರ್ಡಿನ ಕರವಸೂಲಿಗಾರರಿಗೆ ನೀಡುವಂತೆ ಪೌರಾಯುಕ್ತರು ತಿಳಿಸಿದ್ದಾರೆ.
