ಕಿಮ್ಸ್​ ರಸ್ತೆಗಿಲ್ಲ ಬೆಳಕಿನ ಭಾಗ್ಯ

ಕೊಪ್ಪಳ: ನಗರದ ಹೊರವಲಯದಲ್ಲಿನ ವೈದ್ಯಕಿಯ ವಿಜ್ಞಾನ ಸಂಸ್ಥೆ ಸಂಪರ್ಕಿಸುವ ರಸ್ತೆಯಲ್ಲಿ ವಿದ್ಯುತ್​ ಕಂಬಗಳಿದ್ದರೂ ದೀಪಗಳಿಲ್ಲ. ಹೀಗಾಗಿ ರಾತ್ರಿ ವೇಳೆ ವೈದ್ಯಕಿಯ ಸಿಬ್ಬಂದಿ, ವಿದ್ಯಾರ್ಥಿಗಳು ಓಡಾಡಲು ಭಯಪಡುವಂತಾಗಿದೆ.

ಗಂಗಾವತಿ ರಸ್ತೆಯಲ್ಲಿ ಕಿಮ್ಸ್​ ಕಟ್ಟಡವಿದೆ. ಹೊಸ 450 ಹಾಸಿಗೆಗಳ ಆಸ್ಪತ್ರೆಯೂ ಇಲ್ಲಿಯೇ ನಿರ್ಮಾಣಗೊಂಡಿದೆ. ಆದರೆ, ರೈಲು ಹಳಿಯಿಂದ ಕಿಮ್ಸ್​ ಕಟ್ಟಡದವರೆಗೆ ವಿದ್ಯುತ್​ ದೀಪಗಳಿಲ್ಲ. ಜಿಲ್ಲಾಸ್ಪತ್ರೆಯನ್ನು ಬೋಧಕ ಆಸ್ಪತ್ರೆಯಾಗಿ ಬದಲಾಯಿಸಲಾಗಿದೆ. ಹೀಗಾಗಿ ಹಗಲಿರುಳು ಕಿಮ್ಸ್​ನಿಂದ ಆಸ್ಪತ್ರೆಗೆ ವೈದ್ಯರು, ವೈದ್ಯಕಿಯ ಸಿಬ್ಬಂದಿ, ವೈದ್ಯ ವಿದ್ಯಾರ್ಥಿಗಳು ಓಡಾಟ ಸಾಮಾನ್ಯ. ಮಹಿಳಾ ಸಿಬ್ಬಂದಿಯೂ ರಾತ್ರಿ ಪಾಳೆಯ ಕೆಲಸಕ್ಕೆ ಹೋಗುತ್ತಾರೆ. ಆದರೆ, ಇಲ್ಲಿ ವಿದ್ಯುತ್​ ದೀಪಗಳಿಲ್ಲ.

ಇತ್ತೀಚೆಗೆ ಸ್ಟ್​ಾ ನರ್ಸ್​ ಒಬ್ಬರು ರಾತ್ರಿ ಪಾಳೆ ಕೆಲಸಕ್ಕೆ ಹೋಗುವಾಗ ಕಳ್ಳರು ಕೊರಳಲ್ಲಿನ ಚೈನ್​ ಕಿತ್ತುಕೊಂಡು ಹೋದ ಟನೆಯೂ ನಡೆದಿದೆ. ಇದರಿಂದ ಸಿಬ್ಬಂದಿ ಆತಂಕಗೊಂಡಿದ್ದು, ರಾತ್ರಿ ಪಾಳೆ ಕೆಲಸಕ್ಕೆ ಹೋಗಲು ಹಿಂದೇಟು ಹಾಕುತ್ತಿದ್ದಾರೆ. ಕಿಮ್ಸ್​ ಕಟ್ಟಡ ಭಾಗ್ಯನಗರ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯಲ್ಲಿದೆ. ಕೊಪ್ಪಳ&ಭಾಗ್ಯನಗರ ಗಡಿಗಳ ಗುರುತಿಸುವಿಕೆ ಗೊಂದಲವಿದ್ದು, ಸಮಸ್ಯೆ ಬಹುದಿನದಿಂದ ಮುಂದುವರೆದಿದೆ. ಪರಿಣಾಮ ವಿದ್ಯುತ್​ ದೀಪ ಅಳವಡಿಕೆ ಆಗುತ್ತಿಲ್ಲ. ಇದರಿಂದ ವೈದ್ಯ ಸಿಬ್ಬಂದಿ ಕಷ್ಟ ಪಡುವಂತಾಗಿದೆ.