ಕಾರ್ಲ್​ಮಾರ್ಕ್ಸ್​ ಜನ್ಮ ದಿನಾಚರಣೆ

ಕೊಪ್ಪಳ: ನಗರದ ಎಸ್​ಯುಸಿಐ ಕಮ್ಯುನಿಸ್ಟ್​ ಪಕ್ಷದ ಕಚೇರಿಯಲ್ಲಿ ಕಾರ್ಮಿಕರ ವರ್ಗದ ಮಹಾನಾಯಕ, ವೈಜ್ಞಾನಿಕ ಸಮಾಜವಾದದ ಪಿತಾಮಹ ಕಾರ್ಲ್​ ಮಾರ್ಕ್ಸ್​ ಜನ್ಮ ದಿನ ಆಚರಿಸಲಾಯಿತು.

ಜಿಲ್ಲಾ ಸಂಘಟನಾ ಸಮಿತಿ ಕಾರ್ಯದರ್ಶಿಶರಣುಗಡ್ಡಿ ಮಾತನಾಡಿ,ಕಾರ್ಲ್​ ಮಾರ್ಕ್ಸ್​ ಕತ್ತಲೆಯಲ್ಲಿ ಸಿಲುಕಿದ್ದ ಹತಭಾಗ್ಯರ ಬದುಕಿಗೆ ಬೆಳಕು ನೀಡಿದ ಮಹಾನ್​ ಪುರುಷ. ಶ್ರೀಮಂತರು ಶೋಷಿತ ಜನರ ರಕ್ತವನ್ನು ಜಿಗಣೆಯಂತೆ ಹಿರುತ್ತಿದ್ದರು. ಜನರ ಕೈಗೆ ಮಾರ್ಕ್ಸ್​ ವಾದ ಎಂಬ ಅಸ್ತ್ರ ನೀಡಿದರು. ಮಾನವನು ಹುಟ್ಟಿನಿಂದಲೇ ಸ್ವತಂತ್ರ. ಆದರೆ ಎಲ್ಲ ಕಡೆಯೂ ಸಂಕೋಲೆಗಳಿಂದ ಬಂಧಿಸಲ್ಪಟ್ಟಿದ್ದಾನೆ ಎಂದು ರೂಸೋ ಹೇಳಿದ. ಆದರೆ, ಜಗತ್ತಿನ ಕಾರ್ಮಿಕರಿಗೆ ಕಳೆದುಕೊಳ್ಳಲು ಏನೂ ಉಳಿದಿಲ್ಲ. ಗೆಲ್ಲಲು ಇಡೀ ಜಗತ್ತೆ ಇದೆ' ಎಂಬುದನ್ನು ಮಾರ್ಕ್ಸ್​ ತಮ್ಮ ಕ್ರಾಂತಿಕಾರಿ ಸಂಗಾತಿ ಮಹಾನ್​ಎಂಗೆಲ್ಸ್​ ಅವರ ಜೊತೆಗೂಡಿ ತೋರಿಸಿಕೊಟ್ಟರು ಎಂದರು.

ಜಿಲ್ಲಾ ಸಮಿತಿ ಸದಸ್ಯರಾದ ಶರಣು, ಶರಣಬಸವ ಪಾಟೀಲ್​, ಆರ್​.ವಿ.ಕಾಮನೂರ್​, ಗಂಗರಾಜ ಅಳ್ಳಳ್ಳಿ, ಮಂಜುಳಾ ಮಜ್ಜಿಗೆ, ಶಾರದಾ ಗಡ್ಡಿ ಇದ್ದರು.