ಅಳಿವಿನಂಚಿನಲ್ಲಿರುವ ಹಾಗೂ ಕುಂಟಾಲು, ದಾಲ್ಚಿನಿ, ನೆಲ್ಲಿ, ದೂಪ, ರಾಮಪತ್ರೆ, ಬಲೀಂದ್ರ ಪಾಳೆ, ಕಾಯಿ ದೂಪ, ಉಂಡೆ ಹುಳಿ, ಹೆಬ್ಬಲಸು, ನೇರಳೆ, ಮಾವು, ಸೀತ ಅಶೋಕ, ಸಿರಿ ಹೊನ್ನೆ, ಹೊಂಗೆ, ಗಾಳಿ, ಸಂಪಿಗೆ, ಶಾಂತಿ, ಬೊಲ್ ಪಾಲೆ, ರಂಬುಟನ್, ಬಿಲ್ವಪತ್ರೆ, ರೆಂಜೆ, ಸಾಗುವಾನಿ, ಬೆತ್ತ, ಬಾದಾಮ್, ಮಹಾಗನಿ, ಹಲಸು, ಬೀಟೆ, ಕಿರಾಲ್ ಬೋಗಿ, ಕುಳುರು ಮಾವು, ಪುನರ್ಪುಳಿ ಸೇರಿದಂತೆ ಒಟ್ಟು 1 ಲಕ್ಷಕ್ಕಿಂತ ಅಧಿಕ ಗಿಡಗಳನ್ನು ವಿತರಣೆಗಾಗಿ ತಯಾರಿಸಲಾಗಿದೆ. ಇದರಲ್ಲಿ ಇಲಾಖೆಯ ನೆಡುತೋಪು, ಸಂಘ ಸಂಸ್ಥೆಗಳಿಗೆ, ಶಾಲೆಗಳಿಗೆ ಹಾಗೂ ಸಾರ್ವಜನಿಕ ವಿತರಣೆಗೆ ಗಿಡಗಳನ್ನು ನೀಡಲಾಗುತ್ತದೆ.
ಗಿಡಗಳ ಗಾತ್ರಕ್ಕನುಗುಣವಾಗಿ ರೂ.3ರಿಂದ 7ರ ದರದಲ್ಲಿ ಗಿಡಗಳನ್ನು ಮಾರಾಟ ಮಾಡಲಾಗುತ್ತದೆ. ಅರಣ್ಯ ಇಲಾಖೆ ಸಂಗ್ರಹಿಸಿ ಬೆಳೆಸಿದ ಈ ಗಿಡಗಳು ಉತ್ತಮ ಗುಣಮಟ್ಟ ಹೊಂದಿದ್ದು ಹಸಿರು ಬೆಳೆಸಿ ಪ್ರಕೃತಿಯನ್ನು ಉಳಿಸುವ ಧ್ಯೇಯ ಹೊಂದಿರುವ ಆಸಕ್ತರಿಗೆ ಹೆಚ್ಚಿನ ಅನುಕೂಲಕ್ಕಾಗಿ ಅರಣ್ಯ ಇಲಾಖೆ ಮಳೆಗಾಲ ಆರಂಭಕ್ಕೆ ಒದಗಿಸಲಿದೆ.
